Wednesday , October 24 2018
Home / Sosial & Politika / Kalohan: Programa VIII Governu Konstitusional la Seluk husi Programa VII Governu Nian
Deputadu Antonio da Conceição ‘Kalohan.[Foto: TATOLI].

Kalohan: Programa VIII Governu Konstitusional la Seluk husi Programa VII Governu Nian

Programa ne’ebe mak ohin Governu aprezenta la tau buat seluk husi saida mak VII governu uluk mai hato’o, VII governu mai ho planu estratejiku dezenvolvimentu no kesi-an ba pilar hat ne’ebe ohin mos Governu ne’e apresenta,” Antonio da Conceição ‘Kalohan’, membru Bankada Partidu Demokratiku.

Afirmasaun ne’e hato’o husi Deputadu Antonio da Conceição ‘Kalohan’, iha Parlamentu Nasional ohin (Quarta-feira 25//07/2018), bainhira VIII Governu Konstitusional aprezenta planu programa politika Governu nian.

Entretantu, Deputadu Adriano do Nascimento iha nia intervensaun politika ba programa VIII governu ne’ebe apresenta husi Primenru Ministru hateten, bainhira nia lee programa oitavu governu iha programa balun ne’ebé mak hanesan lolos ho programa ne’ebé antes ne’e VII Governu aprejenta ona maibé hetan vota kontra husi AMP.

Hau foin lé no tetu ho didiak programa VIII Governu nian, hau hakarak espresa prespektiva politika ba kestaun importante hanesan tuir mai, konseitu jeral hodi formula programa ukun nian ne’ebe governu AMP aprezenta mai Parlamentu Nasional, hau foin lee, analiza no tetu didiak mak hau halo konkluzaun katak konteudu programa VIII governu laiha diferensa ho programa VII governu nian,” dehan Adriano do Nascimento.

Reprezentante povu ne’e akresenta liutan, eloborasaun planu politika Governu daualuk nian la ses husi planu programa Governu dahituk nian tanba hotu-hotu bazeia planu estratejiku dezenvolvimentu sustentavel, fo kontinuasaun ba prosesu progresu governu anterior, komprimisiu eleitoral, aspirasaun povu nian, no mos enfatiza ba pilares hat mak hanesan area sosal, enfrastutura, ekonomka no governasaun.

Hatan hirak ne’e, Taur Matan Ruak afirma, “programa hotu ita define tuir saida mak ita hakarak halo ba tinan lima nia laran, ita halo saida mak ita tenki halo, halo saida mak ita hakarak halo, halo saida mak devia halo. Tenki halo tanba povu ne’e presija, maibé oinsa atu halao, ami sei fila fali mai iha aprovasaun Orsamentu Estadu,” Taur Matan Ruak

Tuir agenda debate apresiasaun ba programa VIII governu nian sei halao durante loron haat iha Parlamentu Nasional.* [Bebiana Soares | TAFARA.TL | Editor: Martinho Moniz | 25.07.2018].

About Bebiana Soares

Bebiana Soares, Jornalista TAFARA.TL, ativu desde tinan 2015, no mos nudar membru Asosiasaun Alumni Parlamentu Foinsa'e Timor-Leste (APFTL). 🇹🇱

Check Also

MOFFE – CAUCUS Realiza Treinamentu Ba PARPOL, Marcelina: Hau nia Kontribuisaun Iha Partidu Importante

“Feto sira iha partidu laran halo mos servisu barak ba partidu nia susesu. Hau hakarak …

Leave a Reply

Your email address will not be published. Required fields are marked *