Wednesday , April 24 2019
Home / Eleisaun Parlamentar / Kampanna Abertura Iha Ainaro, Arão: Se Fo AMP, Promete Estadu Normal Fila Fali
Lider CNRT, Arão Nõe halo entrevista ho jornalista sira iha CNE. [Foto: Virginia Pereira | 06.04.2018]

Kampanna Abertura Iha Ainaro, Arão: Se Fo AMP, Promete Estadu Normal Fila Fali

“Primeiru fundamental liu mak atu restaura fali Konstitusaun no Lei, hanesan estadu do lei demokratiku, segundu mak atu defende riku soin Timor nian ida ne’e terseiru programa sira ne’ebe implementa ona, durante iha planu Estratejia Dezenvolvimentu Nasional”. Arão Nõe

Aliansa Mudansa ba Progresu [AMP] ne’ebe partisipa iha enkontru ho Comisaun Nasional Eleisaun, hodi halo diskusaun ba Paktu Unidade Nasional no aprezentasaun konaba kalendariu kampanna politiku hosi partidu politiku sira, iha eleisaun antesipada, hafoin remata enkontru lideransa CNRT, Araõ Nõe ba jornalista sira hateten hosi AMP nian kampanna ba dala uluk sei halo iha Municipio Ainaro, Prezident hosi partidu tolu sei marka prezensa hotu, hodi halo abertura.

“Depois ida ne’e kontinua fahe ekipa tolu, ekipa ida ne’ebe lidera husi maun boot Xanana Gusmao, ekipa ida lidera husi Prezidenti Taur Matan Ruak, ekipa ida seluk lidera husi konseileru KHUNTO Nai Mori, ami iha kampana 70 resin depois iha komisiu komum ne’e ba munisipiu 17, restu 64 halo mini kampanna ne’ebe sei prense husi maun boot sira ho kuadru partidu tolu nian, ultimu kampanna iha loron 9 sei halao iha Dili Tasi Tolu nudar kampana abertu jeral”, esplika Arão iha CNE, 05/04

Arão hateten programa politiku preparada ona no sei hatoo ba eleitor sira, “primeiru fundamental liu mak atu restaura fali Konstitusaun no Lei, hanesan estadu do lei demokratiku, segundu mak atu defende riku soin Timor nian ida ne’e terseiru programa sira ne’ebe implementa ona, durante iha planu Estratejia Dezenvolvimentu Nasional. ida ne’e mak sei sai materia fundamental nian ba programa APM, sei manan atu halao iha governasaun durante 2018 ba 2023”.

Deputadu CNRT ne’e mos afirma katak liu hosi kampanna eleitoral ne’e katak militante no simpatizante sira sei kumpri regras eleitoral nian no sei submete rezultadu saida deit mak povu fo liu hosi eleisaun jeral, “sei fo AMP, ami promete kedas katak dentru de fulan ida, estadu ne’e normal fila fali kedas”. * [ Virginia Pereira | Editor: Zevonia Vieira | TAFARA.TL | 06.04.2018 ]

About Virginia Pereira

Check Also

PR Sei Estuda Lista Membrus Governu, Lú Olo: Hakarak Garante Bem Estar Do Estado

“Prezidente da Republika sei estuda hela, se to loron ida kazu hosi A ka B …

Leave a Reply

Your email address will not be published. Required fields are marked *