Saturday , November 17 2018
Home / Sosial & Politika / Kazu Asediu Sexual Sei Akontese Iha Instituisaun Publiku, Antonio: Ita Tenke Hahu Prevene
Funsionariu investigadores KFP, kargus inspetor no karugus Diresaun Rekursu Humanus tuir hela formasaun ba asediu sexual. [Foto: Martinho Moniz | 18.10.2018]

Kazu Asediu Sexual Sei Akontese Iha Instituisaun Publiku, Antonio: Ita Tenke Hahu Prevene

“Kuaze 6% akontesimentu ba categoria abuzu no asediu seksual, tentansaun ne’e mosu iha nomeisaun direita, rekrutamentu no promosaun ba funsionariu ba kargus xefia ruma, liu-liu inan-feton sira”. Antonio Freitas

Kazu asediu sexual sai preokupasaun ema hotu nian, liu-liu iha instituisaun publiku sira, karik ida ne’e preoukpasaun boot, ba funsionário feto sira? Relasiona ho asumtu importante ida ne’e, Komisaun Funsaun Publika [KFP] ho Un Women hamutuk ho Juridico Social Consultoria, organiza formasaun ligadu ho não asediu sexual iha funsaun publika.

Komisariu Komisaun Funsaun Publika ba Asuntu Dixiplinar, Antonio Freitas, informa katak liu hosi komisaun ne’ebe estabelese, kuaze 6% akontesimentu ba categoria abuzu no asediu seksual, tentansaun ne’e mosu iha nomeisaun direita, rekrutamentu no promosaun ba funsionariu ba kargus xefia ruma, liu-liu inan-feton sira.

“Situasaun sira hanesan ne’e, ita tenki hahu prevene, para atu bele eduka, halo sensibilizasaun ba iha funsaun publiku, para bele evita, eduka para labele involve iha kondisoens ne’ebé ke afeita ba integridade institusional do estado ninian”, hateten Antonio.

Antonio Freitas mos informa katak, funsionáriu hirak ne’ebé komete asediu seksual no aktus seluk ne’ebé afeta ba integridade institusional estadu hetan suspensaun husi kargu, suspensaun husi funsionariu no exonera husi kargu. KFP mós halo ona akordu ho Ministeriu Públiku (MP) atu bele halo tratamentu ba ema sira ne’ebé komete iregularidade.

Iha fatin hanesan, Sub-Inspetor Ministeriu Agrikultura no Peskas, Sonia da Silva Soares ne’ebé partisipa iha formasuan, hato’o sentimentu haksolok, tanbá formasaun ne’e liga ho nia kna’ar hanesan ema auditor. Durante ne’e dalaruma sira simu keixas sira hanesan ne’e, maibé laiha prosedimentu ida ne’ebé atu guia sira, oinsa atu bele halo prosesu kontinuasaun.

“Formasaun ida ne’e hanesan bukae ba ami ne’ebé servisu iha inspesaun auditoria, tanbá labele nega katak kazu sira ne’e mosu duni iha instituisaun ruma, so ke dalaruma labele nakloke, lafiar-an ka moe atu hato’o keixa, maibé ita dehan katak kazu ne’e iha duni. Nune’e ba futuru ne’e fo biban ba ami atu ami iha kapasidade oinsa atu simu keixa, asegura ema ne’ebé hanesna vitima ba kazu sira hanesan ne’e,” dehan Sonia ba TAFARA.TL.

Formasuan ne’e hanesan parte ida husi memorandum atendimentu entre Komisaun Funsaun Publika ho UN Women, ne’ebé ligasaun ho não asediu sexual iha funsaun publika, bazeia ba aprovasaun orientasaun ba kombate no prevene asediu seksual iha funsaun publika, liu husi Orientacao no. 12/2017, ne’ebé obriga Funsionariu Publiku sira hotu atu la komete asediu seksual.

Formasaun refere halao ba ekipa investigadores KFP, fungsionarius, kargus inspetor no karugus Diresaun Rekursu Humanus . Atividade ne’e hala’o iha Salaun KFP, Kaikoli, Dili durante loron rua, partisipa husi Diretor Nasional no Inpsetores husi Ministériu Solidariedade Sosial no Inkluzaun, Minitériu Agrikultura, Edukasaun, Saude, Obras Públika, Justisa, Finansa no KFP rasik.* [Martinho Moniz | Editor: Zevonia Vieira | TAFARA.TL | 18.10.1018].

About Martinho Moniz

Martinho Moniz nudar Managing Editor no Sekretariu Redasaun TAFARA.TL.

Check Also

Lú Olo: Juventude La Hakarak Promesas no Hakribi Atitude Koruptu

Hau fiar katak joven sira iha talentu atu hamosu no habelar idea foun no tau …

Leave a Reply

Your email address will not be published. Required fields are marked *