Monday , March 25 2019
Home / Eleisaun Parlamentar / KHUNTO Deklara Fila ba Opozisaun no Fo Apoiu Kria Estabilidade
Conselhor Superior Partidu KHUNTO, Jose do Santos ‘Naimori Bukar’ halo entrevista ho jornalista sira bainhira remata enkontru ho Prezidente da Republika, Dr. Francisco Guterres, iha Palacio Prezidente 13/09.[Zevonia Vieira | TAFARA.TL | 13.09.2017].

KHUNTO Deklara Fila ba Opozisaun no Fo Apoiu Kria Estabilidade

“Ohin dia 14 ba Partidu KHUNTO deklara sai opozisaun ba iha VII governasaun ida ne’e i nune’e mós ba ami ne’ebé maka durante fulan ida nia laran, ami koopera hamutuk ho FRETILIN hodi kria amizade ida ne’ebé di’ak,” José dos Santos ‘Naimori’.

Iha deklarasaun ne’e  KHUNTO hateten maske sira la tama iha koligasaun la signifika katak sira hirus no sei la fó kontribuisaun ba nasaun ida ne’e maibé KHUNTO prontu fó apoiu ba programa ida ne’ebé mak prioridade ba povu.

Nune’e mós Konseleiru másimu Partidu KHUNTO hato’o agradese no fó parabens ba partidu mais votadu ne’ebé mak sei ka’er VII governo.

“Ha’u agradese teb-tebes ho sira nia hanoin diak mesmu ami la tama iha ne’ebá maibé ami fó parabens ba Dr. Alkatiri atu eleito sai hanesan Primeiru Ministru , ami orgullu teb-tebes, ami mezmu la tama iha ne’ebá maibé ami sempre fó apoiu nafatin atu kria estabilidade ba povu no nasaun ida ne’e para hodi hetan unidade ida ne’ebé forte, parte ba seguransa, parte mós ba estadu, governu ida ne’e atu nune’e para bele lidera ita nia nasaun ne’e la’o ho di’ak,” tenik Naimori iha rezidensia Konselleiru nian.

Hatan ba jornalista RTTL nia pergunta kona-ba razaun fundamental ba KHUNTO fila ba opozisaun, Konselleiru Maximu partidu KHUNTO hatan “ primeiru ita tenki, buat ida koopera malu ne’e importante, respeita malu entre lideransa ba lideransa.  Ami hakarak koopera de’it ho kualker partidu maibé ami mós hakarak hein partidu FRETILIN koopera ho ami ka la’e?”

Tuir observasaun ne’ebe jornalista TAFARA.TL husi parte KHUNTO hein lideransa husi partidu Fretilin no PD hodi ba iha fatin partidu KHUNTO nian para atu hamutuk lao ba CCF hodi asina akordu koligasaun, tamba la iha prenzensa husi lideransa partidu rua nian, nune’e KHUNTO hodi dezisaun ho deklara ba media hodi hili opozisaun.

Jornalista TAFARA.TL konsege ba iha CCF hodi halo konfirmasaun ba dezisaun ne’ebé mak partidu KHUNTO fó sai, maibé to’o iha fatin lahetan lider partidu FRETILIN ruma mak bele halo konfirmasaun.* [Maria do Ceu & Jesuino M. de Jesus | TAFARA.TL | Editor: Ato ‘Lekinawa’ Costa | 14.09.2017].

About Jesuino Marcal de Jesus

Jesuino Marcal de Jesus, Jornalista, Webmaster no mos nudar Business Manager TAFARA.TL.

Check Also

Prezidente da Republika Promulga OJE 2019

Prezidente da Repúblika, Dr. Francisco Guterres Lú Olo, ohin, promulga Lei N. 5/V-Orsamentu Jerál Estadu …

Leave a Reply

Your email address will not be published. Required fields are marked *