Saturday , April 20 2019
Home / Eleisaun Parlamentar / Khunto Prontu Halo Koligasaun Ho Fretilin No Kolabora Ho Partidus
Prezidente Khunto, Armanda Berta do Santos halo intervista ho jornalista sira hafoin enkontru ho Prezidente Republika, Francisco Guterres 'Lú Olo'.[Foto: Zevonia Vieira | TAFARA.TL | 29.08.2017].

Khunto Prontu Halo Koligasaun Ho Fretilin No Kolabora Ho Partidus

Prezidente Khunto Armanda Berta do Santos hasoru malu ho Prezidente Republika, Dr.Francisco Guterres ‘Lú Olo’ hodi koalia asumtu progresu formasa VII Governu.

Hafoin remata enkontru ho Xefe Estadu, ba jornalista sira Prezidente Armanda Berta esplika katak Prezidente Republika konvida partidu Khunto, hodi koalia plataforma koligasaun nian.

“Prezidente Lú Olo hakarak atu bele produs lalais dokumentus ne’ebe partidu mais votadus prepara, hodi bele hare lalais no bele finalize dokumentus ne’e”, esplika Armanda Berta.

Hatan ba perguntas hosi TAFARA.TL konaba prontu halo koligasaun ho Fretilin? Prezidente Armanda hatan katak, Khunto prontu halo koligasaun, atu bele kolabora ho partidus. Komunikasaun ida ne’e durante ne’e lao hela, orsida lokraik ekipa tekinika Khunto no Fretilin hasoru malu hodi kontinua halo diskusaun.

Armanda Berta hateten partidu Khunto nia hakarak mak bele aselera lalais plataforma no partidu tolu bele tur hamutuk lalais, hodi bele hare lalais hodi finalize plataforma hirak ne’e.

“Ami fiar katak antes loron 5 Septembru iha ona desizaun final no bele asina ona akordu hamutuk”, hateten Armanda Berta.

Hanesan Xefe Casa Sivil, Francsico Maria de Vasconselos esplika ba jornalista sira, iha palacio Prezidente, loron 29/08 katak, Prezidente Republika halao nia kna’ar nudar Xefe Estadu hodi bolu partdiu ne’ebe mak hetan asentu parlamentar, hodi bele esplika kona ba progresu negosiasaun hodi forma VII governu Konstituisional.

Prezidente Republika ho esperansa boot hakarak harii forma governu ida ne’e ho proposional, maduru no estavel ba tinan lima nia laran.*[Zevonia Vieira | TAFARA.TL | 29.08.2017].

About Zevonia Vieira

Zevonia Vieira, Chefe Redasaun TAFARA.TL, hamutuk ho Metodio Caetano Moniz & Fernando Antonio da Costa hari media online TAFARA.TL, iha Oe-cusse, Ambeno, dia 23 de Agosto de 2015.

Check Also

Bankada Fretilin Sauda no Respeita PR nia Desizaun Promulga OJE 2019

Relasiona ho Prezidente da Republika, Francisco Guterres Lú Olo promulga Orsamentu Jeral Estadu [OJE] 2019, …

Leave a Reply

Your email address will not be published. Required fields are marked *