Monday , June 17 2019
Home / Sosial & Politika / KI Ho UNESCO Servisu Hamutuk, Hametin Mekanismu Auto-Regulasaun Ba KOMSOS
Prezidente KI, membru Konselho Imprensa no Asesor Komunikasaun no Informasaun UNESCO halo intervensaun ba partisipante sira. [Foto: Zevonia Vieira | 24.01.2018]

KI Ho UNESCO Servisu Hamutuk, Hametin Mekanismu Auto-Regulasaun Ba KOMSOS

“Auto-regulasaun ne’e katak atu enkoraza media sira, organizasaun professional sira hanesan TLPU no AJTL hodi hametin auto-regulasaun, katak idak-idak hatene regula nia an. Se jornalista ida hatene nia an, nia profisaun, nia responsabilidade no nia dever, entaun nia sei hakruk ba kode etik”. Virgillio Guterres

Konselho Imprensa realiza workshop ho tema Hametin Mekanizmu Auto-Regulasaun Media Iha Timor-Leste. Ba partisipante sira ne’ebe mak partisipa iha workshop refere, iha restorante tower, 24/0. Prezidente Konselho Imprensa, Virgillio Guterres esplika katak Konselho Imprensa ho UNESCO servisu hamutuk hodi hahu programa kona ba hasae kapasidade jornalista nian.

“Objetivu hosi programa koperasaun ida ne’e mak oinsa atu hametin mekanismu auto-regulasaun ba komunikasaun social Timor-Leste, no mos atu asegura kualidade jurnalismu nian iha Timor-Leste”, hateten Virgillio Guterres.

Prezidente KI mos haklean liutan katak, liu hosi programa refere sei haforsa liutan auto-regulasaun ne’ebe bele halo parte atu identifika Lei sira ka kuadru legal sira ne’ebe sedauk iha ne’e bele alkansa no apoio.

“Auto-regulasaun ne’e katak atu enkoraza media sira, organizasaun professional sira hanesan TLPU no AJTL hodi hametin auto-regulasaun, katak idak-idak hatene regula nia an. Se jornalista ida hatene nia an, nia profisaun, nia responsabilidade no nia dever, entaun nia sei hakruk ba kode etik, banhira nia hakruk deit ba kode etik, la presiza ema atu regula nia. Se media ida iha nia redasaun, iha nia mekanizmu atu kontrola jornalista sira nia hakerek, hau hanoin Konselho Imprensa la presiza halo intervensaun ba redasaun atu halo. Nune’e mos asosiasaun sira hatene hodi kapasita sira nia membru sira, no regula sira nia membru lao tuir sira nia padraun, la presiza orgaun sira seluk atu interven”, hateten Virgillio

Iha tempu hanesan Asesor Komunikasaun no Informasaun UNESCO Jakarta, Ming Kuok Lim hateten katak apoio ida ne’e laos ba dala uluk ne’ebe UNESCO hamutuk ho Konselho Imprensa hodi servisu hamutuk, maibe hahu ona relasaun entre UNESCO ho media sira iha tempu naruk nia laran.

“Iha tempu ida ne’e, laos tempu ida fasil ba jornalista no jurnalismu sira iha mundu tanba iha obstaklu boot ne’ebe media sira hasoru, ida mak obstaklu ne’ebe media digital sira hasoru, oinsa atu publika informasaun ba publiku tanba relasiona ho media social ne’ebe mak ema biliaun sira iha mundu asesu ba. Signifikante hosi sorumutu ida ne’e jornalista sira hosi parte hotu, sira ne’e laos negosio babain, tanba ne’e mak apoio hosi KI ne’e presiza buat ne’ebe dinamiku liu. KI iha tipu oin-oin oinsa uza ba iha dezenvolve media iha rai laran. Hosi buat sira ne’e hotu, mak ita bolu padraun professional hanesan kredibilidade, tanba sa ida ne’e importante tanba publiku fiar katak media professional mak bele fo sai informasaun ne’ebe los no kredibel, no publiku sira bele uza informasaun sira, hosi media professional hodi tau iha sira nia pagina iha media social. Ho razaun sira ne’e mak UNESCO iha ne’e hodi servisu hamutuk ho Konselho Imprensa atu bele apoiu komunidade media hodi bele hasae kapasidade ne’ebe professional hodi halo mudansa ne’ebe diak liu mundu jurnalismo”, hateten Ming Kuok Lim.

Konselho Imprensa, UNESCO no governu Holanda, asina nota de intendimentu ne’ebe tuir mai hatutan ho akordu koperasaun entre UNESCO ho Konselho Imprensa, ho objetivu haforsa mekanizmu auto-regulasaun media iha Timor-Leste. Programa ne’e sei halao ba tinan tolu, hahu hosi janeiru 2018 to 2021 hodi promove ambiente favoravel id aba media nia sustentabilidade, livre, independente no profisional iha nasaun ida ne’e, hanesan kontribuisaun importante id aba povu demokratiku.

Projetu kooperasaun ida ne’e hahu ho atividade konsultasaun ba stakeholder ho objetivu ida atu halibur hanoin ruma hosi parseiro sira hosi Konselho Imprensa no fo kontribuisaun ba implementasaun projetu ida ne’e. Parseiru refere sei halao iha tinan tolu nia laran, total fundus $.100,000.00. *[Zevonia Vieira | TAFARA.TL | 24.01.2018]

About Zevonia Vieira

Zevonia Vieira, Chefe Redasaun TAFARA.TL, hamutuk ho Metodio Caetano Moniz & Fernando Antonio da Costa hari media online TAFARA.TL, iha Oe-cusse, Ambeno, dia 23 de Agosto de 2015.

Check Also

Lú Olo: Jornalista Mak Fahe Informasaun Importane no Promove Debates

“Jornalista sira tenke iha responsabilidade, Adelino Gomes hateten jornalista laos hatene hakerek nutisia deit, laos …

Leave a Reply

Your email address will not be published. Required fields are marked *