Wednesday , June 19 2019
Home / Eleisaun Parlamentar / KI Husu Jornalista Tenke Mantein Independensia No Kaer Metin Kode Etika Iha EA
Prezidente KI, Direitora Exekutiva no Xefe Departementu Media Monitoring analisis iha konferensia imprensa KI. [Foto; Media KI | 05.04.2018]

KI Husu Jornalista Tenke Mantein Independensia No Kaer Metin Kode Etika Iha EA

“Mantein sira nia independensia, kaer metin kode etik jornalistik, tanba iha situasaun perigu saida deit, ita nia abrigu importante mak kodigu professional, nen politiku, nen partidu politiku no nen governu. Maluk sira hanesan professional tenke hakruk nafatin ba kode etik, oinsa marka ita nia atetudi, marka ita nia pozisaun iha situasaun sira ne’e. Ita laos netral maibe ita tenke independente”. Virgilio Guterres

Liga ho kampanna eleitoral ne’ebe sei hahu ofisialmente iha loron 10/04, liu hosi konferensia imprensa, Prezidente Konselho Imprensa [KI], Virgilio Guterres ba jornalista hateten iha kontestan ne’ebe kompostu hosi partidu politiku haat, no koligasaun haat tanba ne’e KI hein katak evetu ida ne’e, hahu hosi kampanna to apuramentu de votus sei sai diak, bainhira iha kontribuisaun diak hosi jornalista sira, meius komunikasaun social, orgaun komunikasaun social, partidu politiku n orgaun kompetente ba eleisaun hanesan CNE, STAE no MAET no parte seguransa hanesan PNTL.

“Husu ba jornalista, KI kontinua atu fo hanoin katak mantein sira nia independensia, kaer metin kode etik jornalistik, tanba iha situasaun perigu saida deit, ita nia abrigu importante mak kodigu professional, nen politiku, nen partidu politiku no nen governu. Maluk sira hanesan professional tenke hakruk nafatin ba kode etik, oinsa marka ita nia atetudi, marka ita nia pozisaun iha situasaun sira ne’e. Ita laos netral maibe ita tenke independente, tanba netral entre buat diak ho at ne’e, ita labele netral, hatudu katak parte ba buat diak nian. Alende ita iha kode etik, iha periodu eleisaun ne’e normalmente iha instituisaun estadu nian ne’ebe mak relevante mak organiza, entaun sira mos fo sai kodigu konduta ba hotu-hotu inklui media, ba jornalista ne’ebe importante ita atu hakruk halo tuir”, hateten Virgilio Guterres

Prezidente KI, iha salaun konferensia Kintal Boot, 5/04, husu ba meius komunikasaun social hanesan elektronika, print no digital tenke iha nia orientasaun klaru ba nia professional sira, atu halo tratamentu ne’ebe justu no imprasial ba kontestante eleisaun sira hotu. Klaru katak partidu balun ne’ebe nia pozisaun inkombente katak agora iha governu hela ou partidu balun ne’ebe iha bloku, tanba sira mak sai hanesan fator importante lori eleisaun antesipada ne’e, dalaruma sei hetan atensaun ne’ebe makaas, maibe labele haluha atu fo fatin mos ba partidu kiik, oan sira mos hola parte.

“Kontinua evita informasaun sira ne’ebe akuzasaun falsu. Agora ita hotu akompanna lider hosi partidu no bloku sira komesa uza lia fuan sira ne’ebe kroat, klaru katak eleisaun mai ne’e lia fuan sira sei kroat, entaun ita mak tenke iha kapasidade, hakerek nutisia ne’e ema labele hare katak ita mak koalia, maibe lider sira ne’e mak koalia ka partidu sira mak koalia, tanba sira akuza malu, ita tenke konfirma sira hotu, se lae ita mak sei sai hanesan alvu”, hateten Virgilio Guterres

Liga ho Lei eleisaun no Lei partidu politiku garante katak kontestante partidu sira iha direitu de antenna. Ho nune’e KI husu ba meius komunikasaun social sira presiza, hare atu garante direitu de antenna, ba kontestante partidu sira nian. Direitu de antenna ne’e esklusivu, tanba tuir nia prinsipiu labele kobra osan tenke gratuita, fo tempu hanesan, ho sirkumtansia hanesan. * [ Zevonia Vieira | TAFARA.TL | 05.04.2018 ]

About Zevonia Vieira

Zevonia Vieira, Chefe Redasaun TAFARA.TL, hamutuk ho Metodio Caetano Moniz & Fernando Antonio da Costa hari media online TAFARA.TL, iha Oe-cusse, Ambeno, dia 23 de Agosto de 2015.

Check Also

Kondisaun Eskola Publiku Guelocaer Komesa At, Vice MEJD: Planu Hadia Eskola Sei Tau Iha OJE 2020

“Ami tenke kuru udan been ne’ebe tama ba sala laran depois mak ami kontinua hanorin …

Leave a Reply

Your email address will not be published. Required fields are marked *