Saturday , April 20 2019
Home / Sosial & Politika / KI Sosializa Lei KomSos No Regulamentu Ba Xefe Suku Sira
Prezidente Konselho Imprensa, Virgilio Guterres halo palestra konaba knaar jornalista nian iha kobertura eleisaun. [Foto: Konselho Imprensa]

KI Sosializa Lei KomSos No Regulamentu Ba Xefe Suku Sira

Konselho Imprensa [KI] halao sosializasaun konaba Lei Komunikasaun Sosial no Regulamentu, ba Xefe Suku sira. Objetivu hosi sosilizasaun ne’e rasik atu bele iha intendimentu ba Xefe Suku sira, kona ba Lei Komunikasaun Sosial [KomSos] no Regulamentu.

Liu hosi abertura, Prezidente Konselho Imprensa, Virgilio da Silva Guterres hateten katak, konteudu husi sosializasaun ho autóridade munisipio dDli no Xefe Suku sira , atu hatene klean liu tan ba Lei no Regulamentu KomSos nian ne’ebé agora dadaun implenta iha Timor-Leste.

“Sosializasaun ne’e sai hanesan programa Konselho Imprensa nian ne’ebé mak hahu iha tinan ida ho balun liu ba, felismente hahu kedas ho municipio Dili ho lideransa komunitario sira, tamba komunikasaun ne’ebé Konselho Imprensa halo ho presidente autóridade municipio dili, liu-liu atu invólve estrutura lideransa komunitario sira ne’ebé dalabarak sai fontes ba meius komunikasaun sira, nune bele sosializa Lei komunikasaun sosial sira no regulamentu neebe mak Konselho Imprensda produz”, katak Virgilio Guterres.

Sosializasaun KomSos ne’ebe halao iha Hotel Beach Garden, 18/06, Virgilio Guterres hatutan katak KI kontente ho partisipasaun Xefe Suku ne’ebe masimu tebes, hein katak liu hosi sosializasuan ida ne’e, sira bele iha intendimentu Lei no Regulamentu ne’ebe diak, liu-liu iha ezekusaun no utilizasaun direito de resposta ne’ebé sira rasik mós iha identidade.

Iha fatin hanesan Xefe Suku Madohi, Bernardino de Cristo hateten katak, tuir sira nia observasaun populasaun barak mak seidauk asesu ba media, maibé sira louva teb-tebes servisu media nia.

“Ami autoridade nia observasaun populasaun barak iha area rurais seidaduk asesu ba informasaun, maibe ami louva tebe-tebes ba servisu neebe media sosial sira halo, ami mos sai agensia ba media sosial sira, ohin ami mai iha nee atu bele komprende diak liu tan lei no regulamentu media sosial, para aban bainrua nunee media sosial labele sai alvo ba politiku no mos bele iha kolaborasaun diak ho unidade bele atende komunidade ho diak”, dehan Bernardino

Entretantu, Xefe Suku Grensifer, Francisca Saunjinha de Jesus Boavida hateten, sei implementa iha suku tuir Lei no Regulamentu ne’ebé fó sai tiha ona iha Lei nú. 14/2014,

“Atu ita banati tuir ida ne’e ,atu ita labele halo sala ,koalia buat ne’ebé klaru no lós. Lei komunikasaun sosial la’os buat foun ba sira , maibé lei ne’e diak atu ita konese klean liu tan bainhira publika notisia iha media, tuir duni realidade ne’ebé mak iha”, hateten Francisca

Francisca mos fo hanoin ba instituisaun media no jornalista sira atu fo informasaun ne’ebe los ba publiku, publika informasaun ne’ebe klaru no iha valor duni ba audiência. * [ Santina Lucia da Costa | Editor: Zevonia Vieira | TAFARA.TL | 18.06.2018 ]

 

About Other Source

Check Also

Bankada Fretilin Sauda no Respeita PR nia Desizaun Promulga OJE 2019

Relasiona ho Prezidente da Republika, Francisco Guterres Lú Olo promulga Orsamentu Jeral Estadu [OJE] 2019, …

Leave a Reply

Your email address will not be published. Required fields are marked *