Friday , January 18 2019
Home / Eleisaun Parlamentar / Koligasaun Partidaria MSD Hakarak Kria kondisaun Ba Trabalhador ho Dignu
Koligasaun partidaria MSD halo kampanna iha kampu Dom Bosco Comoro. [Foto: Virginia Pereira | 22.04.2018]

Koligasaun Partidaria MSD Hakarak Kria kondisaun Ba Trabalhador ho Dignu

“Ita ukun rasik an, ita mos luta hakarak atu hetan moris ne’ebe diak liu, maibe liu ona tinan 17, ita rona trabalhador sira halerik, salariu la to’o, atu sustenta nia familia, sira hasai trabalhador nia poder ekonomiku atu luta ba ninia direitu”. Avelino Coelho

Sekretariu Jeral Movimentu Sosial Demokrata [MSD], Avelino Coelho deklara iha kampanna katak MSD nia programa politika ba trabalhadore sira mak hakarak halo hasae salariu trabalhadore sira nian, tanba tuir Avelino katak sira sempre halerik tanba kompania sira hasai hosi servisu

“Imi rona sira nia halerik, tamba sira nia salariu nunka sae, imi rona sira halerik tamba kondisaun servisu ladiak, ita hotu rona trabalhador Timor Oan sira ema hanehan ba bebeik. Ita hare Lei konaba trabalhadores sira, estadu nia politika ladun los, ladun hatudu dalan ne’ebe mak diak, trabalhador tuir ita nia kodigu laboral iha deit direitu ba oras walu, la iha tan direitu seluk. Ida ne’e mak ita bolu dehan esplorasaun ne’e mak halo ba povu iha 1975, hamrik hasoru kolonialismu Portugues, hakilar katak kolonialismo mak kauza ba esplorasaun Timor Oan sira nian, alende ita ukun rasik an, ita mos luta hakarak atu hetan moris ne’ebe diak liu, maibe liu ona tinan 17, ita rona trabalhador sira halerik, salariu la to’o, atu sustenta nia familia, sira hasai trabalhador nia poder ekonomiku atu luta ba ninia direitu”, hateten Avelino, iha kampu Dom Bosco Comoro, 22/04.

Ba militante no simpatizante sira avelino esplika konaba programa hosi bloku koligasaun MSD katak estadu tenke kria kondisaun ba trabalhador sira mos sai nain ba sosiu [pemegang saham. Red] iha fatin servisu, trabalhadore sira ne’ebe servisu tina tolu ona, bele harii kooperativas hodi reprezenta sira perante patraun sira, empreza sira, restaurant, fabriku sira.

Avelino mos dehan tenke hadia Lei kodigu laboral, hadia lei do injestimentu estranjeiru no nasional sira.

“Mekanismo kompanna ne’ebe mak mai Timor, Timor oan servisu laos hanesan atan, laos hanesan trabalhador. Proposta saida mak Movimentu Sosial Demokrata fo atu rejolve situasaun trabalhador sira nian, atu hamaran trabalhador sira nia matan ben, atu hamaran trabalhador sira nia kosar, atu lori ba moris diak, povu Timor tenke sai nain ba rai ida ne’ebe nia liberta, liliu sai nain ba fatin ne’ebe nia servisu se lae saugati deit”, hateten Avelino.

Koligasaun partidaria MSD ne’ebe kompostu hosi Partidu Sosialista [PST], Partidu Sosial Demokrata [PSD], Partidu Demokratiku Cristao [PDC] no Centro Assao Sosial Demokrata Timorense [CASDT], ne’ebe halao iha Dom Bosco Comoro, hetan seguransa masimu hosi polisia nasional, observador nasional, CNE, PDHJ no media. *[ Virginia Pereira | Editor: Zevonia Vieira | TAFARA.TL | 23.04.2018 ]

About Virginia Pereira

Check Also

PR Sei Estuda Lista Membrus Governu, Lú Olo: Hakarak Garante Bem Estar Do Estado

“Prezidente da Republika sei estuda hela, se to loron ida kazu hosi A ka B …

Leave a Reply

Your email address will not be published. Required fields are marked *