Monday , December 10 2018
Home / Sosial & Politika / Komandante Jeral Julio Hornay Informa Situasaun no Servisu PNTL nian Ba PR
Komandante Jeral PNTL, Julio Hornay no Vise-Komandante Jerál Faustino da Costa hasoru malu ho Prezidente da Republika, Dr. Francisco Guterres Lú Olo. [Foto: Media PR | 10.08.2018]

Komandante Jeral Julio Hornay Informa Situasaun no Servisu PNTL nian Ba PR

“Kazu oknum PNTL no F-FFDT nian ne’ebe mak akontese iha Maliana semana hirak liu ba, oras ne’e dadaun iha hela prosesu investigasaun nia laran”. Julio Hornay

Komandante Geral Polisia Nasional Timor Leste [PNTL], Julio Hornay hasoru malu Presidente Republika Dr. Fransisco Guterres Lú Olo, hodi informa situasaun no servisu PNTL nian, no kazu ne’ebe mak akontese iha rai laran.

Hafoin remata enkontru ba jornalista, Julio Hornay hateten katak, liu hosi enkontru ne’e parte PNTL informa atividade semanal nian no mos situasaun balun ne’ebe mak akontese foin lalais iha Maliana no iha igrhe Bidau Mota Klaran, ajente PNTL ida tama iha igreja laran, hodi halo problema.

Komandante ne’e mos Hateten relasiona ba kazu oknum PNTL no F-FFDT nian ne’ebe mak akontese iha Maliana semana hirak liu ba, oras ne’e dadaun iha hela prosesu investigasaun nia laran.

“Ohin sira halao ona iha fatin ne’ebe mak sira determina, atu komesa ona bolu komadante sira, sarjentu no soldadu sira hodi bele halo investigasaun ne’ebe klean”, hateten Julio, iha palacio prezidensia, 10/08.

Entertantu Komandante ne’e mos sublina liu tan katak, oras ne’e dadaun Komando Jeral fo ordem ona ba Komandu Munisipiu sira hotu, hodi kontribui ba prosesu investigasaun ne’e, husu atu komandu munisipiu ho membru sira fo hatene informasaun ne’ebe klaru, hodi nune’e Komando Jeral foti desizaun tuir buat ne’ebe akontese. * [ Henrique S. de Jesus | Editor: Zevonia Vieira | TAFARA.TL | 10.08.2018 ]

About Henrique Soares de Jesus

Check Also

Komemora Loron Invasaun, PR Lú Olo Sauda CNC nia Inisiativa Hodi Hametin Memoria Kolektiva

Prezidente da Republika, Dr. Francisco Guterres Lú Olo sauda Centro Nasional Chega! no ekipa toma …

Leave a Reply

Your email address will not be published. Required fields are marked *