Tuesday , May 21 2019
Home / Sosial & Politika / Komemora Loron Invasaun, PR Lú Olo Sauda CNC nia Inisiativa Hodi Hametin Memoria Kolektiva
Forsa Indonesia komesa tama mai ponte kais halo operasaun seroja 7 Dezembru 1975. [Foto: Copyrigth googel | 07.12.2018]

Komemora Loron Invasaun, PR Lú Olo Sauda CNC nia Inisiativa Hodi Hametin Memoria Kolektiva

Prezidente da Republika, Dr. Francisco Guterres Lú Olo sauda Centro Nasional Chega! no ekipa toma tanba hamosu inisiativa oin-oin ona hodi hametin memoria kolektiva.

Liu hosi loron komemorasaun Invasaun 7 de Dezembru 1975-2018 iha Porto Dili, liu hosi reprezentante Xefe Casa Sivil, Francisco Maria de Vasconselos  informa katak ponte kais Dili tama iha mapeamentu Centro Nasional Chega! nudar fatin istoriku.

“Iha ne’e mak ita nia ema murak barak fakar raan no ka isin soe tomak iha tasi laran. Familia rihun ba rihun sei halerik hela ba maluk sira ne’ebe sedauk hetan, atu hakoi tuir ita nia lisan baibain”, hateten Lú Olo

Lista martires nian rohan laek iha fatin ida ne’e. Hosi loron 7 too loron 10 Dezembru 1975, timoroan barak tebes ho rasa no etnia oioin, mak hetan tiru no mate, tanba naran tebes hanesan Muki Bonaparte, Isabel Barreto L obato no Poeta Francisco Borja da Costa no sira seluktan.

Liu hosi deskursu refere Prezidente da Republika mos fo omenajen mos ba jornalista Australianu Roger East ne’ebe mai Timor-Leste halao servisu ba povu Timor, nudar jornalista no hetan mate iha pone kais hamutuk ho timoroan sira.

Xefe Estadu ne’e mos fo hanoin katak loron 7 Dezembru 1975, loron hahu ho terus, susar no mate ba povu Timor-Leste too tinan 24, maibe hahu hosi loron ne’e duni, maka povu Timor-Leste hatudu nia brane no matenek halo funu hasoru invazor sira too manan funu no manan nia liberdade no independensia nasional.

Iha dader 7 Dezembru 1975 forsa Indonezia sira komesa hakbesik ba Toko Lay, ne’ebe iha sede Cruz Vermelha nia sorin iha antigun rua Jose Maria Marques. Forsa parakedesita ida hosi Indonezia nian mate tan nia parakedista belit iha Toko Lay nia leten no mate isin tara an hela iha Toko Lay nia oin.

Material funu nian ne’ebe forsa ABRI/TNI uza iha loron invazaun kompostu hosi aviaun, ro-ahi funu no mos kilat sira ne’e hotu deskreve iha relatoriu Chega! Ro ahu funu ne’ebe uza iha Operasi Seroja iha loron invzaun mak Tanker KRI SORONG, KRI List Teluk Bone, Repayr & Supply Ship KRI Jaya Wijaya 305, Destroyer Escord KRI Martadinata.

Aviaun funu nian ho marka Aircraft C-130 Hercules ne’ebe uza iha Operasi Seroja nia orijinalidade mai hosi nasaun Norte Amerika, manufaktura Lockheed Corporation, Locked Martin, Semo Primeiru iha 23 Agusto 1954 no Primeiru Utilizasaun hosi United States Air Force, Royal Netherland Air Force, United States Marine Corps no Royal Air Force. * [ Zevonia Vieira | TAFARA.TL | 07.12.2018 ]

About Zevonia Vieira

Zevonia Vieira, Chefe Redasaun TAFARA.TL, hamutuk ho Metodio Caetano Moniz & Fernando Antonio da Costa hari media online TAFARA.TL, iha Oe-cusse, Ambeno, dia 23 de Agosto de 2015.

Check Also

Governu Japaun Inagura Renovasaun Eskola Hospitalidade no Turismo, Minami: TL Presija Rekursu Umanu Kualifikadu Iha Area Turismo

“Atu bele atrai turista internasional, Timor-Leste presija investe maka’as liu iha setor infrastrutura, atu bele …

Leave a Reply

Your email address will not be published. Required fields are marked *