Friday , September 21 2018
Home / Sosial & Politika / Komite 12 Novembru husu Publiku Respeita Organizasaun, Ema Rezisténsia no nia Familia
C12N hato'o Komferensia Imprensa iha edifisiu C12N, Balide, Dili. [Foto: Noslasco Mendes | 06.07.2018].

Komite 12 Novembru husu Publiku Respeita Organizasaun, Ema Rezisténsia no nia Familia

“Husu ba ema hotu atu respeita organizasaun ka ema rezisténsia sira ho sira nia familia,” ejijensia husi Komite 12 Novembru (C12N) ba Públiku.

Deklarasaun ne’e hato’o husi Komite 12 Novembru atraves komunikadu imprensa ohin, (06/07/2018). Komite 12 Novembru nu’udar organizasaun rezisténsia ida iha Timor-Leste halo komunikadu imprensa ne’e tanba iha loron hirak liu ba mosu defamasaun no desakreditasaun iha rede sosiais whatsapp (WA), husi funsionariu Sekretaria Estadu Juventude no Desportu (SEJD), Cesarino da Silva ho nia grupu hasoru Comité 12 de Novembro (C12N) ka nia membru sira. Informasaun ne’ebé Komité 12 Novembro hetan, Cesarino da Silva uluk insulta aswa’in Komandante Falintil ida ne’ebé Militár Indónezia uluk oho ho kainaun, nia oan feto ne’ebé mós servisu iha fatin hanesan.

Iha fatin no autor la hanesan, mosu tan akontesimentu ‘tentativa violasaun seksuál’ ida ba ema rezistensia kasál 12 Novembro nia oan ida ho tinan ki’ik, ne’ebé antes hasoru ema rezisténsia seluk ka populasaun babain sira nia oan feto.

Haktuir ba kestaun iha leten, C12N hola desizaun ho halo konferensia imprensa no husu ba Sekretariu Estadu Juventude no Desportu, Komisaun Funsaun Públika no Instituisaun Seguransa hodi fó sasaun no toma atensaun ba ema sira ne’ebé halo asaun mak mensiona iha leten.

“Ejije ba Sekretariu Estadu Juventude no Desportu, Funsaun Públiku atu foti medidas fó sansaun ba Sr. Cesarino da Silva ho nia grupu tamba hahalok sira temi leten,” komite 12 Novembru.

Organizasaun rezisténsia ne’e mos Ejije ba dirijentes instituisaun estadu hotu, atu foti medidas hasoru funsionariu sira ne’ebé hatudu sira nia komportamentu ladi’ak hodi hatun governu ka estadu nia autoridade no kredibilidade rasik. Autoriedade PNTL atu identifika rede ka jaringan iha instituisaun governamental sira, no estraga ita nia oan feto sira.

Komite 12 Novembru husu ba Rejistente sira atu matan moris no neon na’in, kaer liman hamutuk defende identidade no dignidade tuir lei mak vigora.

konaba kazu defamasaun husi funsionariu SEJD, bainhira TAFARA.TL konfirma ho parte SEJD, Gabineti Sekretariu Estadu Juventude no Desportu informa, kaju referesei iha hela prosesu investigasaun internal.* [Maria do Ceu | TAFARA.TL | Editor: Martinho Moniz | 06.07.2018].

About Maria do Ceu Gusmao

Maria do Ceu J.O. Gusmao, Jornalista, Webmaster no Marketing Officer iha TAFARA.TL desde tinan 2015 ate a data.

Check Also

Lú Olo: Estadu Tenke Halo Knaar Importante Ba Ekonomia, Presiza garante Bens no servisu Publikus

“Estadu tenke haree oinsa mak bele asegura finansiamentu ba despeza públika liu hosi reseitas hosi …

Leave a Reply

Your email address will not be published. Required fields are marked *