Monday , March 25 2019
Home / Sosial & Politika / Komponente Navál Prontu Halo Seguransa iha Fronteira Marítima
Brigadeiro Jeneral, Filomeno Paixao hasoru malu ho Prezidente da Republika, Dr. Francisco Guterres Lú Olo. [Foto: Media PR | 28.02.2018]

Komponente Navál Prontu Halo Seguransa iha Fronteira Marítima

“Rekonnese katak iha difikuldade, iha Costa Sul, durante ne’e husik mamuk, atividade pescas illegal mak nakonu iha ne’ebá, mas ita nia prezensa instituisaun Estadu iha ne’ebá laiha, tamba ita iha difikuldade sira ne’e”. Joao Almeida

Brigadeiro Jeneral, Filomeno Paixão, hasoru malu ho Prezidente da Republika, Francisco Guterres Lú Olo, hodi aprezenta relatoriu atividade semanal nian. Ba jornalista sira hafoin remata enkontru, Filomeno Paixão ba jornalista sira hateten ,liu hosi enkontru refere, koalia asumtu kona ba meios ne’ebe sei uza hodi halo kontrolasaun ba fronteira maritime, tuir akordu ne’e Timor-Leste ho Australia sei asina hamutuk iha Nova Yorke, iha loron 06/03.

Hatan ba pergunta husi media GMNtv kona-ba rekursu materiais ne’ebé mak forsa presiza uza hodi halo patrulliamentu? Filomeno hatan katak rekursu materiais ou meios oceanícos, tamba iha ne’ebá ne’e la’os hanesan iha Norte, iha Norte ne’e patrulla territorial, é mais tasi badak, agora iha ne’ebá tasi naruk. VII Governo aseita ona ho doasaun ida, maibe donasaun ne’e sei to’o iha 2023.

“Agora 2023 ne’e ita sei iha tinan lima, portanto sei iha tinan lima ou mais ne’ebé bainhira, durante tinan lima ema bele halo ita ninia sasan mosu iha tasi laran”, hateten Filomeno.

Filomeno Paixão mós salienta katak forsa armadas prontu atu halo patrulla tamba antes ne’e hetan ona treinamentu. Sira ba treina ona iha Nova Zelandia, Portugal no Autralia, ligadu ho pakote ida halo oferta patrullar.

Iha parte seluk TAFARA.TL halo konfirmasaun ho Adjunto Direitor Fundasaun Mahein, João de Almeida, iha nia knaar fatin, Fomentu II Dili. Joao rekonnese katak difikuldade ne’ebe iha, liu-liu ekipamentus hanesan ró hodi bele halo patrulliamentu.

“Iha Costa Sul, durante ne’e husik mamuk, atividade pescas illegal mak nakonu iha ne’ebá, mas ita nia prezensa Instituisaun Estadu iha ne’ebá laiha, tamba ita iha difikuldade sira ne’e,” hateten João Almeida.

Fundasaun Mahein husu ba estadu, atu tau atensaun ba difikuldade sira ne’e, tamba ameasas iha tasi durante ne’e akontese ona, presija suporta ekipamentu sira, presija haree mós iha nia operasaun no manutensaun ba ekipamentu sira. * [ Maria do Ceu | Editor: Zevonia Vieira TAFARA.TL | 28.02.2018].

About Maria do Ceu Gusmao

Maria do Ceu J.O. Gusmao, Jornalista, Webmaster no Marketing Officer iha TAFARA.TL desde tinan 2015 ate a data.

Check Also

Prezidente da Republika Promulga OJE 2019

Prezidente da Repúblika, Dr. Francisco Guterres Lú Olo, ohin, promulga Lei N. 5/V-Orsamentu Jerál Estadu …

Leave a Reply

Your email address will not be published. Required fields are marked *