Wednesday , October 24 2018
Home / Divertimentu / Komunidade Motor KNCTL, Halo Limpeza Iha Estatua Boaventura
Komunidade Motor Kawasaki Ninja Clup Timor-Leste [KNCTL] halo limpeza iha estatua Boaventura iha Same. [Foto: Virginia Pereira | 08.10.2018]

Komunidade Motor KNCTL, Halo Limpeza Iha Estatua Boaventura

Komunidade Motor Kawasaki Ninja Clup Timor-Leste [KNCTL] halo atividade limpeza jeral, hodi lixu sira ne’ebe soe arbiru iha luron.

Atividade limpeza ne’ebe halao iha Municipio Manufahi, KNCTL hakarak hatudu ba komunidade katak KNC laos hanesan grupu ka geng motor deit, maibe grupu ne’e mos ho objetivu atu anima komunidade.

Xefe KNCTL, Hernani Gama Soares ba TAFARA.TL hateten grupu KNCTL halo viajen hosi Dili hodi mai halo limpeza iha estatua Dom Boaventura Same, iha aldea Lote. Alende halo atividade limpeza, halao mos atividade doasaun ran iha ospital.

Iha sorin seluk, Luciano da Silva [37], ne’ebe hal seguransa iha fatin estatua Boaventura hatoo ba TAFARA.TL ho sentimentu kontente tanba komunidade motor mai hosi Dili, hodi mai halo viajen iha fatin refere.

“Ne’e ezemplu diak tebes no fanun ita hotu atu hanoin katal fatin istoriku hanesan fatin turismo, presiza koidadu no labele soe foer arbiru”, hateten Lucinao.

Luciano ne’ebe durante ne’e halo seguransa iha fatin refere, fo hanoin ba Timor oan sira, katak bainhira atu mai vizita fatin istoriku, labele soe foer arbiru. Husu ba governu atu tau matan liu tan ba fatin turismo iha ita nia rai doben Timor-Leste.

Atividade limpeza ne’e halao iha loron 07/10, iha same, aldeia Lote, hetan seguransa hosi Falintil-Forsa Defeza Timor-Leste [F-FDTL]. * [ Virginia Pereira | Editor: Zevonia Vieira | TAFARA.TL 08.10.2018 ]

About Virginia Pereira

Check Also

Kopa Mundial 2018: Flashback Equipa 16 mak La Passa ba Faze Knock-Out

Selesaun Nasional 32 mak partisipa jogus Kopa Mundial 2018 Russia finaliza ona ida-idak nia jogus …

Leave a Reply

Your email address will not be published. Required fields are marked *