Saturday , July 21 2018
Home / Sosial & Politika / Komunidade Uatulari Apoiu Desizaun PR, Rezeita Lista Membru Governu Balun
Komunidade Uatulari hela iha Dili halo konferensia imprensa ho jornalista sira. [Foto: Pedro Almeida | 02.07.2018]

Komunidade Uatulari Apoiu Desizaun PR, Rezeita Lista Membru Governu Balun

Ezije ba Primeiru Ministru, Taur Matan Ruak, atu bele deklara ba publiku katak proposta ne’ebe mak Prezidente rezeita, husu atu subtitui lista membru membru governu sira ne’ebé rejeitadu, ida ne’e faz parte, kumpri komprimisu politiku eleitoral katak sei fahe oportunidade hanesan, sei fahe riku soin hanesan, sei fahe rekursu hanesan no sei lori koruptor sira ba Tribunal”. Portavoz

Relasiona ho desizaun Prezidente da Republika, Dr. Francisco Guterres Lú Olo, ne’ebe rezeita lista membro governu balun, ne’ebe kazu balun registu hela iha Tribunal. Liga ho asumtu ida ne’e, comunidade Uatulari, Municipio Viqueque, ne’ebe hela iha Dili, liu hosi konferensia imprensa ba jornalista sira hateten, fó apoiu ba Prezidente ne’ebé rezeita lista membru VIII Governu balun.

Portavoz Samoro R. Najin deklara katak komunidadi Uatulari ne’ebé hela dili fo apoiu Prezidente da Rpublika, Dr. Francisco Guterres Lú Olo, ho desijaun tuir Konstituisaun no politika, tanba korupsaun ne’e, hahalok aat ne’ebé foer, dodok-dois, iis, depravasaun, la honestu, simu subornu, moral laiha, diskriminativu, inimigo povu nian no halo povu kiak no mukit iha Timor-leste.

Porta-voz ne’e hateten, razaun rezeita lista tanba Prezidente da Republika nia kompetensia distinzi ba rua 2, katak Prezidente da Republka iha poder Konstituisaun, ne’ebé konsagra iha CRDTL artigo 74, no.1 katak, Presidente Republika nudarXefe Estadu, nudar simbolu no garantia independensia nasional no unidade estadu nian, no instituisaun demokratika sira-nia funsionamentu regular, artigo 86 alinea h, Prezidente nia kna’ar kona-ba orgaun sira seluk nian, ne’ebé hateten katak, fo posse no hasai membru governu nian, tuir proposta primeiru ministru nian, iha termu no. 2 artigu 105, katak, primeiru ministru mak sei prezide no konvoka konsellu-ministru, nune’e liga ba artigu 86 alinea h, no artigu 113 no.1 katak wainhira membru governu nia akuzadu loloos ba krime, ne’ebé bele simu kastigu iha kadeia boot liu tinan rua nian, tenke para hala’o serbisu atu bele foti prosesu, ne’e katak tenki suspende ema hirak ne’e atu bele prosesu judisial.

“Prezidente da Republika iha poder politika, hodi uza nia poder atu hare’e no tetu kreadibilidade estadu soberania ba povu no nasaun nia diak liu, kontrola instituisaun demokratika no garante independensia nasional, Prezidente defende tau aas no integridade nasaun no povu nia, garante unidade nasional no paz. Ami Prezidente da Republika atu mantein rezeita lista VIII Governu ne’ebé iha responsabilidade criminal”, hateten Samor iha Quintal Boot, 02/07

Liu hosi konferensia imprensa, sira ezije mós ba Timoroan ida ne’ebé propoin no defende maka’as lista membru VIII Governu ne’ebé Prezidente rezeita ona, tanba defende kredibilidade estadu no nasaun, atu moe ba nia hahalok, proteze koruptores iha rai doben Timor-Leste, tanba iha Aliansa Mudansa ba Progresu [AMP] nia laran, ema intelektual barak atu troka fali sira ne’eb’e nia naran rejeitadu ne’e.

Sira ezije mos ba Primeiru Ministru, Taur Matan Ruak, atu bele deklara ba publiku katak proposta ne’ebe mak Prezidente rezeita, husu atu subtitui lista membru membru governu sira ne’ebé rejeitadu, ida ne’e faz parte, kumpri komprimisu politiku eleitoral katak sei fahe oportunidade hanesan, sei fahe riku soin hanesan, sei fahe rekursu hanesan no sei lori koruptor sira ba Tribunal. Ba lideres reliziaun katolika no relijaun sira seluk, sosiedade sivil, NGO, iha Timor-Leste atu fo apoiu ba desijaun Prezidente, atu mantein suspende lista membru VIII Governu ne’ebé rejeitadu no troka fali ema seluk husi AMP, atu ukun nasaun ne’e ho paz no hakmatek.

Iha sorin seluk, Justino Sopalo hateten, asaun ne’ebé sira halo, atu kontra korupsaun ne’ebé mosu iha Timor, hodi fó apoiu ba Prezidente Republika, hodi rezeita nafatin lista membru VIII Governu naran sira ne’ebé maka tama ona ita Tribunal.

“Povu hakarak moris hakmatek, hamoos koruptor iha ita nia rai laran, se koruptor nafatin iha ita nia rai doben Timor-Leste, oinsa mak ita rai bele dezenvolve lao ba oin”, tenik Justino. * [ Santina L. Da Costa | Editor: Zevonia Vieira | 02.07.2018 ]

 

 

About Other Source

Check Also

Governu Hato’o Pedidu 140 Milloens ba Parlamentu Nasional Hodi Responde ba Situasaun Atual

Relasiona ho liquides estadu ka orsamentu estadu laiha, VIII Governu Konstitusional atraves Konsellu Ministrus ohin …

Leave a Reply

Your email address will not be published. Required fields are marked *