Wednesday , October 24 2018
Home / Eleisaun Parlamentar / Kona Ba Tinta no Bulletin de Votu Foer, Marí: Se Iha Duvidas Lori Ba TR
CNE no STAE halo teste ba tinta ne'ebe sei uza iha loron votasaun. [Foto: Virginia Pereira | 16.03.2018 ]

Kona Ba Tinta no Bulletin de Votu Foer, Marí: Se Iha Duvidas Lori Ba TR

“Lalika halo propaganda, sei iha duvidas, rai didiak faktus sira ne’e no lori ba Tribunal de Rekursu. Ita komesa halo propaganda demais, hatudu katak ita laiha razaun ona. Ida ne’e istoria sira nian uluk no ami hanoin ami repete fila fali”. Marí Alkatiri

Loron votasaun mosu opiniaun publiku ne’ebe hateten katak tinta ne’ebe uza iha loron votasaun nia kualidade la diak, ho nune’e mosu duvidas katak Fretilin ho STAE halo “jogu foer” iha tinta refere.

Ho preokupasaun ne’ebe mak habelar liu social media, liu hosi konferensi imprensa hosi Fretilin no PD, iha hotel Ramelau, 12/05, hatan ba RTTL, Marí Alkatiri esplika katak tinta ne’e STAE ho CNE responde ona, maibe se karik iha duvidas, rai bulletin sira ne’e ho didiak no lori ba iha Tribunal Rekursu [TR]

“Lalika fali halo propaganda, sei iha duvidas, rai didiak faktus sira ne’e no lori ba Tribunal de Rekursu. Ita komesa halo propaganda demais, hatudu katak ita laiha razaun ona. Ida ne’e istoria sira nian uluk no ami hanoin ami repete fila fali”, esplika Marí.

Iha parte seluk Comisaun Nasional publika hosi sira komunikadu imprensa katak tinta indelevel ne’e uza ona iha eleisaun jeral 2017, ne’ebe fornese hosi UNDP.

Iha komunikadu imprensa esplika katak iha VI Governu Konstituisional rasik, Ministru Estatal, Dionisio Babo defende kualidade tinta indelevel, tanba ne’e kualidade la tau iha kestaun, tanba fornesedor hanesan nafatin UNDP no molok atu uza halo uluk teste ba nia kualidade.

“CNE husu wainhira fo informasaun ba lider partidu politiku sira, konfirma didiak antes hatoo informasaun. Iha municipio Baucau, Posto Administrativu Baguia, iha centro votasaun suku Aploika, iha duni livru ida kompostu hosi 50 ezemplar bulletin de votu, hetan maioria razura [tinta hafoer. Red] tanba nune’e sob orientasaun STAE no konkordansia fiskais partidu politiku no superviziona hosi CNE, tau karimbu canceladu, bulletin ne’e la uza ona”, esplika iha komunikadu imprensa CNE, 12/05.

CNE mos informa katak iha posto administrative Quelikai, centro votasaun iha suku Letemuno deteta bulletin votu ida no tau karimbu kanseladu la uza. Tamba hetan hetan karimbu borus. Bulletin ida seluk hetan foer, tinta iha partidu Fretilin, desizaun STAE ho konkordansia fiskais partidu politiku no supervizaun CNE tau kedas karimbu kanseladu.*[ Zevonia Vieira | TAFARA.TL | 12.05.2018 ]

About Zevonia Vieira

Zevonia Vieira, Chefe Redasaun TAFARA.TL, hamutuk ho Metodio Caetano Moniz & Fernando Antonio da Costa hari media online TAFARA.TL, iha Oe-cusse, Ambeno, dia 23 de Agosto de 2015.

Check Also

PR Sei Estuda Lista Membrus Governu, Lú Olo: Hakarak Garante Bem Estar Do Estado

“Prezidente da Republika sei estuda hela, se to loron ida kazu hosi A ka B …

Leave a Reply

Your email address will not be published. Required fields are marked *