Wednesday , June 19 2019
Home / Eleisaun Parlamentar / Krizi 2006: Rai Los Dun Mari Fahe Kilat, Komisaun ONU La Iha Provas
PM Marí Alkatiri hasoru malu ho PR Lú Olo iha palacio prezidensia. [Foto: Media PR | 24.04.2018]

Krizi 2006: Rai Los Dun Mari Fahe Kilat, Komisaun ONU La Iha Provas

“Hau rasik tempu ne’eba, no hakerek ba Prezidente Parlamentu ne’eba katak hau lakohi goza ho imunidade, hau la tauk tanba hau nia konsensia mos”. Marí Alkatiri

PM Marí Alkatiri hatan ba deklarasaun publik mak halo hosi Vicente da Conceicao ‘Rai Los’ iha kampanna politika AMP nian iha Municipio Liquisa hodi dun PM Marí Alkatiri mak fahe kilat iha krizi 2006. Hatan ba kondenasaun pubik ne’e, hafoin remata enkontru ho Prezidente da Republika, Dr. Francisco Guterres Lú Olo, ba TAFARA.TL Marí Alkatiri deklara katak, liga ho asuntu fahe kilat ne’e to tiha ona iha tribunal, ema ne’ebe koalia ne’e mos ba too tribunal, juiz halo perguntas oin-oin, nia la konsege aprezenta faktus no agora nia mai halo politika.

“Hau rasik tempu ne’eba, no hakerek ba Prezidente Parlamentu ne’eba katak hau lakohi goza ho imunidade, hau la tauk tanba hau nia konsensia mos, tanba ne’e ema balun dudu nia ba oin para atu koalia. Maibe sei ita hakarak koalia konaba 2006, hau sei iha sasan barak mak para refere ba ema seluk”, hateten Marí, iha Palacio prezidensia 24/04.

Bazea ba relatoriu hosi Komisaun Espesial Inkeritu Independente ONU nian ba Timor-Leste, iha Genebra loron 2 Outubro 2006, iha pagina 62, paragrafu 133 esplika katak Komisaun laiha provas ne’ebe bele sai baze ba Komisaun atu rekomenda Marí Alkatiri prosesadu judisialmente ba ninian [Marí alkatiri] involvementu iha movimentasaun, kaer ou uza kilat illegal.

Deklarasaun ne’e Sekretariu Jeral Partidu Fretilin hatoo hodi hatan ba saida mak Vicente da Conceicao ‘Rai Los’ hato’o iha AMP nia kampanne politika iha Municipio Liquisa, iha Domingo 22/04. Iha kampanna refere Rai Los hateten katak, “pekadu ne’ebe camarada Mari Alkatiri komete rezultadu governasaun hodi halo pekadu iha 2002 to 2006, rezultadu premeiru mandatu ne’ebe nia ukun liu hosi lalatak Fretilin nian, mak fahe kilat ba hau ata ho maluk sira seluk. Atu kompara ho kamarada sira ohin loron defini tok kilat mak valor as liu, osan ka materiais? Kilat buat ida ne’ebe sensitivu mais kamarada Mari fo ba hau, kompara ho imi sira sei mate iha bandeira hun mais nia sei la fo buat ida imi”. * [ Zevonia Vieira | Editor: Ato ‘Lekinawa’ Costa | TAFARA.TL | 24.04.2018 ]

About Zevonia Vieira

Zevonia Vieira, Chefe Redasaun TAFARA.TL, hamutuk ho Metodio Caetano Moniz & Fernando Antonio da Costa hari media online TAFARA.TL, iha Oe-cusse, Ambeno, dia 23 de Agosto de 2015.

Check Also

PR Sei Estuda Lista Membrus Governu, Lú Olo: Hakarak Garante Bem Estar Do Estado

“Prezidente da Republika sei estuda hela, se to loron ida kazu hosi A ka B …

Leave a Reply

Your email address will not be published. Required fields are marked *