Saturday , November 17 2018
Home / Sosial & Politika / Krizi Bee Fo Ameasa Ba Agrikultura, PERMATIL Implementa Programa Agro Ekolojia Ba Konservasaun Bee Matan
Agrikultor fera hela rai iha natar. [Foto: copyright Mogabay | 16.10.2018]

Krizi Bee Fo Ameasa Ba Agrikultura, PERMATIL Implementa Programa Agro Ekolojia Ba Konservasaun Bee Matan

Krizi bee ne’ebe sai ameasa boot iha era globalizasaun, hetan impaktu negativu boot ba iha seitor agrikultura. Bainhira krizi bee ne’e akontese iha tempu naruk, sei afeita ba iha setor barak hanesan ekonomia, sosial, saude, edukasaun no seluk-seluk.

Iha loron mundial ai-han tinan ida ne’e, HASATIL organiza eventu ne’e ho tema Promove Ai-han Lokal Nutritivu Hodi Hakotu Hamlaha no Malnutrisaun. Diretor Jeral Centru Logistika Nasional [CLN], Agusto Junior inform aba partisipante sira katak ameasa boot ida ne’ebe akontese iha mundu agora mak krize bee global, ida ne’e sei fo ameasa boot ba ema, animal no setor agrikultura.

Ho problema krize bee ne’ebe sai ameasadu ba setor agrikultura, liu hosi konferensia imprensa ne’ebe organiza hosi Hametin Agrikultura Sustentavel Timor-Leste [HASATIL], hatan ba perguntas hosi TAFARA.TL konaba krizi bee ne’ebe say ameasadu, Koordinador HASATIL, Gil Boavida hatan katak implikasuan ba mudansa klimatiku ba ejistensia sistema agrikultura iha Timor-Leste ne’e iha ameasa boot, politika governu nian tenke fo nafatin prioridade ba hasae rejidensia komunidade nian atu nune’e bele adapta ho situasaun ida ne’e.

Tuir Gil katak Pratika ne’ebe bele fo responde ba situasaun ida ne’e mak tenke halao programa agro ekolojia, atu nune’e bele hasae rezidensia komunidade, liu-liu tau matan fali ba bee matan sira ne’ebe hetan ameasa, atu besik maran ona.

Iha fatin hanesan Koordinador PERMATIL, Erminia hatan katak kestaun bee hanesan problema ne’ebe boot tebes iha produsaun agrikultura nian. PERMATIL hanesan membru ida ne’ebe implementa programa agro ekolojia ne’e iha atividade ida naran konservasaun bee matan, oras ne’e dadauk iha bee matan 20 mak konserva ona.

“Ezemplu ida ita hare iha Atauro, Ermera, Dare, Baucau no Viqueque. Atividade ne’e hatudu nia rezultadu ne’ebe signifikante tebes, populasaun sira fo sasin katak antes konservasaun iha, sira hare katak bee matan ne’e ho kondisaun maran maibe agora nia rezultadu hatudu katak iha duni bee ne’ebe komunidade bele consume maske ho volume ne’ebe naton”, hateten Erminia 15/10. * [ Zevonia Vieira | TAFARA.TL | 16.10.2018 ]

About Zevonia Vieira

Zevonia Vieira, Chefe Redasaun TAFARA.TL, hamutuk ho Metodio Caetano Moniz & Fernando Antonio da Costa hari media online TAFARA.TL, iha Oe-cusse, Ambeno, dia 23 de Agosto de 2015.

Check Also

Lú Olo: Juventude La Hakarak Promesas no Hakribi Atitude Koruptu

Hau fiar katak joven sira iha talentu atu hamosu no habelar idea foun no tau …

Leave a Reply

Your email address will not be published. Required fields are marked *