Thursday , May 23 2019
Home / Sosial & Politika / Kronologia Hosi Versaun Sasin Konaba Tragedia Kuluhun de Baixo
Komunidade sira iha Kuluhun de Baixo halo asaun hasoru PNTL liga tragedia 18 Novembru. [Foto: Jesuino Marchal de Jesus| 19.11.2018]

Kronologia Hosi Versaun Sasin Konaba Tragedia Kuluhun de Baixo

Iha loron sabadu, loron 18/11 komunidade aldeia Kuluhun de Baixo, suku Akadirihun, postu administrativu Nain Feto, municipiu Dili hasoru tragedia bo’ot ne’ebe rezulta joven tolu mate no lima seluk kanek todan.

Tragedia ne’e akontese iha momentu festa koremetan ba matebian João ho naran konnesidu Aduan, familia husi matebian halo serimonia koremetan hodi hanoin hikas matebian Aduan ne’ebe halo ona tinan ida.

Iha festa ne’e hetan partisipasaun husi familia matebian nian iha bairu kuluhun rasik no mos husi suku seluk.

Tuir testamunha ne’ebe iha katak iha oras tuku 1:45 dadersan festa ne’e hahu lao ladun normal mai husi joven nain rua haksesuk malu, Joanico Babtista Carvalho mak ba hakalma joven nain rua ne’ebe mak haksesuk malu.

Husi haksesu malu refere, joven nain rua ne’e halo asaun fiziku ruma, maibe derepente kilat tarutu. Joanico tuir nia hare no rona kilat tarutu, dala hira nia la sura tamba neon lakon tiha ho kilat ne’ebe tarutu. Joanico sei dudu ses joven nain rua ne’e.

Iha festa ne’e oknum polisia ne’ebe sai nudar seguransa ba festa ne’e rasik mak ikus tiru fali joven sira ne’ebe mak iha festa laran ne’e rasik.

Tuir komunidade sira katak antes festa oknun polisia ho naran kodigu Jose Mina no Quitu ho kodiku Panglima deklara sira rua mak sei responsabiliza ba festa ne’e rasik.

Tuir portavoz, Georgina da Silva ne’ebe esplika konaba kronologia hatene katak, “joven nain tolu mate ne’e nudar asaun planeadu ne’ebe mak antes ne’e oknum polisia nain rua ne’e halo, hodi ameasa joven sira”.

Georgina akresenta liu tan katak oknum polisia ho naran kodigu Panglima ne’e nudar mos festa nain no Jose Mina hanesan kolega diak.

Joven nain tolu ne’ebe hetan tiru no mate mak Erick Joni Robertus Bria [24], Luis Kevin Saldanahha Belo [18], no Leonildo Eduardo Ximenes Sequira [18].

Bainhira TAFARA.TL hasae nutisia konaba kronologia ne’ebe hatoo hosi parte komunidade ka sasin iha Kuluhun de Baixo, TAFARA.TL sedauk hetan konfirmasaun hosi parte Polisia Nasional Timor-Leste tanba sei iha prosesu investigasaun. * [ Jesuino Marcal de Jesus | Editor: Zevonia Vieira | TAFARA.TL | 19.11.2018 ]

About Jesuino Marcal de Jesus

Jesuino Marcal de Jesus, Jornalista, Webmaster no mos nudar Business Manager TAFARA.TL.

Check Also

MEDSOS Sai Obstaklu Ba Servisu Jurnalismu, Akara: Tenke Halo Edukasaun Sivika Konaba Internet Saudavel

“Kna’ar importante hosi jornalista professional sira atu fo informasaun ne’ebe los, kredibel ba publiku, no …

Leave a Reply

Your email address will not be published. Required fields are marked *