Wednesday , April 24 2019
Home / Sosial & Politika / Kursu Promosaun Ofisial Inspetor PNTL, FM: Sei Hamosu Deskonte Barak
Ministru Defeza no Seguransa, Filomenu Paixao halo inspensaun ba PNTL. [Foto: Copyright Media FM | 05.02.2019]

Kursu Promosaun Ofisial Inspetor PNTL, FM: Sei Hamosu Deskonte Barak

Ministeriu Interior hasai Diploma Ministerial N.o 35/2018 de 29 de Novembro hodi halo promosaun ba membru PNTL sira husi kategoria Sarjentu tuir konkursu admisaun Kursu Promosaun Ofisial Inspetor (PKOI).

Konkursu ne’e klasifika hanesan konkursu internu no nakloke ba membru PNTL hotu husi kategoria sira Sarjentu no aplika tuir alinea a) n.o 1) artigu 15 no rekezitu no kondisaun espesiais promosaun nia ba postu Inspetor Asistente ne’ebé mensiona iha Aneksu IV Dekretu-Lei N.o 16/2009 Rejime Promosaun PNTL nia dispozisaun. Maske prosesu ne’e foin hahu, insatisfasaun no polêmika hale’u ona iha membru PNTL sira husi kategoria sira Sarjentu no Ajente.

Liu hosi komunikadu imprensa ne’ebe distribui hosi Fnundasaun Mahein hateten katak Ministériu Interior hasai Diploma Ministerial Portantu rekezitu sira iha konkursu admisaun KPOI tenke nivel edukasaun minimu baxarelatu ho kategoria sarjentu. Rekezitu ne’e tuir Fundasaun Mahein (FM) nia haree sei hamosu deskontente barak liu duke motivasaun servisu husi membru PNTL sira. Tamba rekezitu sira ne’e la tuir situasaun membru PNTL sira nian.

Membru PNTL sira ne’ebé ho postu Sarjentu maibe nivel edukasaun sekundariu deit. Exemplu,Komandante Eskuadra balu ho postu Sarjentu Xefe maibelabele hetan oportunidade tuir konkursu admisaun KPOI, tamba la mai ho kualifikasaun baxarelatu ka lisensiatura.Segundu, membru PNTL sira ne’ebé nivel edukasaun baxarelatu ka lisensiadu maibe ho deit postu Ajente. Idane’e akontese tamba membru PNTL balu la iha opurtunidade ba eskola ka asesu ba universidade no balu hetan opurtunidade ba eskola maibe la halo promosaun tuir pratika normal sira iha Rejime Promosaun PNTL nian.

“Ironiku liu,membru PNTL ne’ebé Komandu PNTL rasik haruka ba eskola liu husi bolsu-estudu no gradua ona ho grau lisensiadu maibe nafatin iha kategoriaAjente.Lolos kursu espesializasaun sira nune’e promove automatikamente ba postu ne’ebé ekivalensia ho sira nivel edukasaun tamba koresponde duni ba servisu Institusaun PNTL nian”, deklara liu hosi komunikadu imprensa

Fundasaun Mahein [FM] husu ba Komandante PNTL presiza haree fila-fali rekezitu sira iha konkursu admisaun KPOI nian no husu ba Komandu PNTL hodi halo tratamentu ne’ebe hanesan ba membru PNTL sira, membru ne’ebé gradua husi nasaun Kuba hetan promosaun sem liu husi testu ruma, maibe iha mos graduadu husi nasaun sira seluk ne’ebé foti kursu espesializasaun la hetan promosaun. Identifika lisensiadu ne’ebé ninia disipliña siênsia koresponde ho servisu Institusaun PNTL nian. Fó oportunidade ba lisiensadu hirak ne’ebé investe husi Instituisaun PNTL hasai kursu espesializasaun. Fó oportunidade ba Postu Sarjentu ne’ebé iha titulu lisiensatura, maibe iha mos Postu Ajente ne’ebé mai ho kualifikasaun lisensiadu.

Fundasaun Mahein mos hateten katak Komando PNTL presiza aprende husi lisaun sira promosaun liu ba nian. Iha ne’ebé instatisfasaun barak liu duke motiva sira hodi halo servisu.

“Presiza hadia esperiensia husi promosaun tinan 2010 no 2012 membru PNTL la satisifas ho rezultadu promosaun nian, ikus mai rejigna-an husi PNTL. Deskontentimentu ba promosaun laos deit hato’o rejigna-an, halo petisaun no keixa hasoru Komisaun Promosaun maibe impaktu seluk halo membru PNTL balu sai la disiplina. Kontinua no dudu profesionalismu promosaun tuir membru PNTL sira nia espesializasaun no méritu ne’ebé akontese iha tinan 2014”, deklara FM liu hosi komunikadu imprensa.

Fundasaun Mahein rekomenda ba Ministeriu Interior no Komandu Jeral PNTL haree fila fali rekezitu sira nia konkursu admisaun KPOI tuir realidade membru PNTL sira nian ne’ebe identifika ona iha leten.

Komandante Jeral PNTL fo prioridade promosaun ba membru PNTL sira ne’ebé ramata ona kursu espesializasaun iha ne’ebé rekursu ne’ebé PNTL rasik prepara liu husi bolus-estudu iha rai laran no rai liur hodi partisipa iha konkursu admisaun KPOI no Ministériu Interior no Komandu Jeral PNTL haree fila-fali Rejime Promosaun PNTL 2009 no tau iha prioridade revizaun lejislasaun nian. * [Zevonia Vieira | TAFARA.TL | 05.02.2019]

About Zevonia Vieira

Zevonia Vieira, Chefe Redasaun TAFARA.TL, hamutuk ho Metodio Caetano Moniz & Fernando Antonio da Costa hari media online TAFARA.TL, iha Oe-cusse, Ambeno, dia 23 de Agosto de 2015.

Check Also

Bankada Fretilin Sauda no Respeita PR nia Desizaun Promulga OJE 2019

Relasiona ho Prezidente da Republika, Francisco Guterres Lú Olo promulga Orsamentu Jeral Estadu [OJE] 2019, …

Leave a Reply

Your email address will not be published. Required fields are marked *