Thursday , May 23 2019
Home / Eleisaun Parlamentar / L4 Sei Asume Kargu Sekretariu Estadu ba Asumtu Veteranu
L4 halo hela deskursu iha kampanna eleitoral partidu PLP, foto dokumentus PLP.[Foto: Media PLP].

L4 Sei Asume Kargu Sekretariu Estadu ba Asumtu Veteranu

Andre da Costa “L4” sei asume kargu nudar Sekretariu Estadu ba Asumtu Veteranu. Ba TAFARA.TL via telefone esplika katak iha oras 16:00otl, L4 hasoru malu ho Premeiru Ministru e Minstro do Desenvolvimento e de Reforma Institucional Dr. Mari Alkatiri iha Palacio Nobre, hodi koalia kona ba involvimentu iha VII Governu Konstituisional.

“Los duni ohin 16:00 oras Timor-Leste Premeiru Minsitru, Dr. Mari Alkatiri bolu hau, ami nain rua hasoru malu duni ona, sua exelensia fo pasta Sekretariadu Estadu ba Asumtu Veteranus. Hau hanesan ema veteranu, aseita tebes no hau agredese. Hakarak ka lakohi mos hau tenke involve duni ona iha VII Governu Konstituisional tanba rai ida ne’e ita mak harii, rai ida ne’e ita tenke servi duni, ne’ebe ita tenke iha komitmentu hanesan uluk no agora mantein komitmentu para lao ba oin”, esplika L4 ba TAFARA.TL via telfone iha loron 26/09.

Hatan ba perguntas hosi TAFARA.TL, involvimentu iha VII Governu aprezenta partidu PLP ou Independent?

L4 hateten katak ba hanesan ema veteran, tanba bainhira koalia kona ba partidu nian, partidu iha nia hirarkia ni struktura rasik.

“Sekarik ba hanesan partidu, Prezidente partidu tenke halo autorizasaun, maibe hau ba ohin ne’e nudar individu no veteran, tanba kaer komitmentu hanesan uluk, ne’e mak hau desidi hau nia an, hodi ba hasoru Premeiru Ministru. Hau desponivel atu servi nasaun no povu”, tenik Eis Falintil L4.

L4 mos informa ba TAFARA.TL katak Premeiru Minsitru hatoo hela lia menon katak bainhira kaer assume ba asumtu veteran, importante tenke haree didiak lista veteran nian, tanba veteranu balun falsifika dokumentu veteranu nian.

Iha parte sorin jornalisra TAFARA.TL halo konfirmasaun ho Adjuntu Sekretariu Jeral Fretilin, Jose Reis, hateten katak sedauk hatene pozisaun partidu PLP nian, maibe tuir informasaun katak partidu PLP halo reuniaun hodi foti desizaun no rona mos katak prontu atu kolabora ho governu ida ne’e.

“Hau la hatene sira apoiu hanesan partidu ou mai nudar independente, ne’e mak tenke hatene uluk desizaun partidu nian atu lao oinsa. No aban ou bainrua lista sai ona”, hateten Jose Reis.

Tuir Jose Reis katak Fretilin nafatin lao tuir nia politika katak governu inkluzaun no koligasaun no bolu ema hotu ne’ebe bele fo kontribuisaun ba estadu ida ne’e no Fretilin akomoda.

Tuir esplikasaun hosi Jose Reis katak semana ida ne’e tomada de posse tenke hala’o ona, tanba governu tenke kompleta ,antes lori progama ba parlamentu tanba tuir Konstituisaun 30 dias depois harii governu tenke aprezenta ona program do governu.

Informasaun hosi L4 tuir rezutadu enkontru ho Premeiru Ministru katak, tomada de posse sei realiza iha sesta semana ida ne’e ou segunda semana oin.* [Zevonia Vieira | TAFARA.TL | 26.09.2017].

About Zevonia Vieira

Zevonia Vieira, Chefe Redasaun TAFARA.TL, hamutuk ho Metodio Caetano Moniz & Fernando Antonio da Costa hari media online TAFARA.TL, iha Oe-cusse, Ambeno, dia 23 de Agosto de 2015.

Check Also

MEDSOS Sai Obstaklu Ba Servisu Jurnalismu, Akara: Tenke Halo Edukasaun Sivika Konaba Internet Saudavel

“Kna’ar importante hosi jornalista professional sira atu fo informasaun ne’ebe los, kredibel ba publiku, no …

Leave a Reply

Your email address will not be published. Required fields are marked *