Thursday , May 23 2019
Home / Sosial & Politika / Labarik Sira Hasoru Violasaun Fiziku no Seksual, KNDL Husu Apoiu PM Ba Protesaun Labarik
Komisariu Nasional Direitu Labarik [KNDL], Maria Bareto entrega relatorio ba Primeiru Ministru, Dr. Marí Alkatiri. [Foto: Media GMN | 06.02.2018]

Labarik Sira Hasoru Violasaun Fiziku no Seksual, KNDL Husu Apoiu PM Ba Protesaun Labarik

Komisariu Nasional Direitu Labarik [KNDL], Maria Bareto hasoru malu ho Primeiru Ministru, Dr. Marí Alkatiri, hodi husu apoiu ba situasuan ne’ebe mak labarik sira infrenta iha rai laran.

Hafoin hasoru malu, Maria Bareto ba jornalista sira, iha palacio governu 6/02, hatten liu hosi enkontru ida ne’e, hodi informa konaba servisu Komisaun Nasional Direitu Labarik, ne’ebe relevante ho asaun ne’ebe mak afeita ba labarik sira iha Timor-Leste

“Oinsa para atu bele hetan apoiu no suporta husi exelensia ba iha situsaun ne’ebe deit maka afeita tebes ba labarik no oinsa para bele buka solusau, no mos haree liu ba iha asaun protesaun ba labarik iha Timor-Leste”, hateten Maria.

Maria Bareto informa liutan katak situasaun hirak ne’ebe afeta ba labarik mak hanesan violasaun fiziku, violasaun seksual, trabalhador infantil no seluktan,

“Protesaun ba labarik barak ne’ebe mak hetan violasaun fizika no mos abuzu seksual, ne’ebe akontese ba labarik sira, no ida mos mak trabalhadores infantil ne’ebe maka ema barak seidauk iha konsiensia, akuja labarik para hetan lukru husi labarik sira. Iha parte seluk maka kondisaun saude no edukasaun ne’ebe mak sai prioridade iha estadu Timor-Leste, liu-liu ba governu hanesan implementador atu bele toma atensaun no konsiderasaun ba iha kondisaun hirak ne’ebe afeta ba labarik sira”,dehan Maria.

Durante ne’e KNDL servisu hamutuk ho SEJT no PNTL, hodi haree direita ;abarik sir nia fatin, ne’ebe mak labarik sira, ema uza hodi halao servisu

Komisaria Maria esklares katak, politikamente SEJT bele hare no kontinua ba esbosu Lei ne’ebe mak hosi VI Governu halo ona ka prepara hela maibe seidauk aprezenta iha Konselho Ministru. Ida ne’e sai prioridade ne’ebe mak KNDL ezizi nafatin ba iha ministeriu ka instituisaun relevantes, hodi bele tau prioridade ba iha politika ne’ebe mak bee proteze ba iha labarik sira.

Relasiona ho kampanna eleitoral ne’ebe akontese iha tinan kotuk, ema barak preokupa ho involvimentu labarik sira nian, tanba ne’e KNDL husu ba CNE no Estatal atu tau konsiderasaun ba labarik sira iha eleisaun antesipada.

Liu hosi enkontru refere, Maria Bareto informa katak, Primeiru Minsitru apresia tebes ba KNDL nia servisu, tanba prontu iha komprimisiu ne’ebe mak pozitivu, hodi proteje labarik sira, hosi risku tipu violensia ne’ebe afeta ba labarik sira, no mos asesu saude no edukasaun sai hanesan prioridade ba programa VII Governu Konstituisional.*[Bebiana Soares | Editor: Zevonia Vieira | TAFARA.TL | 06.02.2018]

About Bebiana Soares

Bebiana Soares, Jornalista TAFARA.TL, ativu desde tinan 2015, no mos nudar membru Asosiasaun Alumni Parlamentu Foinsa'e Timor-Leste (APFTL). 🇹🇱

Check Also

MEDSOS Sai Obstaklu Ba Servisu Jurnalismu, Akara: Tenke Halo Edukasaun Sivika Konaba Internet Saudavel

“Kna’ar importante hosi jornalista professional sira atu fo informasaun ne’ebe los, kredibel ba publiku, no …

Leave a Reply

Your email address will not be published. Required fields are marked *