Saturday , April 20 2019
Home / Eleisaun Parlamentar / Laiha Konsensus Ba Kandidatura Meza do Parlamentu
Meza Parmento Nacional.[Foto: Zinho MD | TAFARA.TL | 05.09.2017].

Laiha Konsensus Ba Kandidatura Meza do Parlamentu

Partidu Demokratiku sei lao tuir komprimisiu politiku ne’ebe asina hamutuk, PLP sei apoia ninia kandidatura rasik no bele fo apoiu ba kandidatura sira seluk no Fretilin sei lao ho ninian kandidatura rasik.

Vice Seis Prezidente ba partidu PLP, Fidelis Magalaes ba TAFARA.TL katak la iha interese atu nomea an hodi derigi meza parlamentu nasional ba periodu 2017-2022.

Relasiona ona rezultadu enkontru entre ekipa teknika hosi partidu Fretilin no PLP, iha enkontru semana kotuk, iha otel Novo Turismo ne’ebe la hetan konkordansia ida ba asumtu meza do parlamentu.

Fidelis Magalaes informa katak, Fretlin sei lao ho ninian kandidatura, no PLP sei eskolla ninian kandidatura.

“PLP sei nomea nia kandidatura rasik ou PLP sei apoia kandidatura hosi partidu seluk. Ami nia preokupasaun ne’e laos katak PLP tenke derigi meza do parlamentu, informasaun ne’ebe durante ne’e espalla ne’e la los”, tenik fidelis.

Tuir prinsipiu PLP katak lakohi fasilita katak partidu ida labele kaer orgaun soberania sira hotu, ida ne’e nudar prinispiu ida ne’ebe PLP komunga.

“PLP fiar katak votus hosi elisaun ne’e hatudu tenke balansu, se partidu ida deit mak kaer orgaun soberania hotu iha ita nia rai ne’e, ba PLP ne’e la diak ba futuru. Prezidensia da meza ne’e mos importante tanba nia mos sei desidi agenda kona ba legistlativa sira”, esplika Fidelis.

Iha parte sorin Prezidente Partidu Demokratiku, Mariano Asanami Sabino, ba TAFARA.TL hateten katak, sei fo apoiu ba kandidatu , tuir akordu no komprimisiu politiku ne’ebe mak halo ona ho Fretilin no KHUNTO.* [Zevonia Vieira | TAFARA.TL | 05.09.2017].

About Zevonia Vieira

Zevonia Vieira, Chefe Redasaun TAFARA.TL, hamutuk ho Metodio Caetano Moniz & Fernando Antonio da Costa hari media online TAFARA.TL, iha Oe-cusse, Ambeno, dia 23 de Agosto de 2015.

Check Also

Bankada Fretilin Sauda no Respeita PR nia Desizaun Promulga OJE 2019

Relasiona ho Prezidente da Republika, Francisco Guterres Lú Olo promulga Orsamentu Jeral Estadu [OJE] 2019, …

Leave a Reply

Your email address will not be published. Required fields are marked *