Tuesday , March 26 2019
Home / Sosial & Politika / Lansamentu Livro: PR Lu-Olo Dehan Pe. Martinho Gusmao Halo Moris Hikas Nicolau Lobato
Prezidente da Republika, Dr. Francisco Guterres Lú Olo hamutuk ho Pe.Martinho Gusmao iha lansamentu livru Nicolau Lobato iha palacio prezidensia. [Foto: Media Gabinete PR | 30.11.2018]

Lansamentu Livro: PR Lu-Olo Dehan Pe. Martinho Gusmao Halo Moris Hikas Nicolau Lobato

Pe. Martinho Gusmao halo moris fali Nicolau Lobato liu hosi livro nebe nia hakerek ho titlu, “Sabemos, e Podemos, e Devemos Vencer!”. Presidente Lu-Olo dehan Pe. Martinho halo moris hikas Nicolau Lobato.

Presidente da Republika Fransisco Guterres Lu-Olo hatete katak, “Pe. Martinho Gusmao halo moris fila fali Nicolau Lobato iha ita nia konsiensia.”

Lu-Olo mos expresa katak maski nia rasik la hetan opurtunidade atu koinese pesoalmente lider doben Nicolau Lobato mai nia aprende kona ba Nicolau Lobato nia hahalok no nia kapasidade.

“Biar hau la sorte hetan onra no previlejiu konese pesoalmente ita nia lider doben Nicolau Lobato, nudar luta nain iha Frente Armada, hau aprende kona ba nia hahalo no nia kbiit, oinsa nia kontribui hodi hamanas ita-nia ema no lori ita-nia luta lao ba oin no metin bebeik”, tenik Lú Olo

Autor ba Livro, “Sabemos, e Podemos, e Devemos Vencer!” Pe. Martinho Gusmao esplika katak kontiudu livro ne’ebe nia hakerek mak diskursu no publikasaun hosi Saudoso Nicolau Lobato mak hakerek. Publikasaun sira ne’e koalia mai ita Nicolau Lobato nia pensamentu rasik, nia hanoin kona ba harii estadu no no harii nasaun ida.

Autor mos dehan katak sira sai interesadu hodi hakerek livro wainhira rona no haree tiha video diskursu Nicolau Lobato nian iha Youtube. Depois rona tiha, autor transkreve diskursu ne’e ba laptop. Hosi servisu ida ne’e Autor hetan katak diskursu Nicolao Lobato nian ne’e “altamente filozofiku no fundamental”.

Antes hakerek livro ne’e Pe. Martinho Gusmao hasoru no intervista sasin moris sira mak servisu ho Nicolau Lobato. Autor ba livro ne’e expresa katak nia kuaze hasoru ministru hotu-hotu iha premeira Republika.

Atu taka Presidente da Republika nia diskursu, Presidente Lu-Olo hatete katak, “ita ida-idak iha dever atu kontinua halao obra Nicolau nian, liuhusi servisu badinas ba bebeik no diak litan ba ita-nia povu. Ida ne’e mak ita nia komprimisiu. Katak ita bele no tenke fo onra ba ita-nia EROI boot ida ne’e no ba hothotu ne’ebe fo-an tomak to’o mate, ba ita-nia Patria no ita hot-hotu.”

Seremonia lansamentu livro ne’e halao iha Palasio Presidente, ohin (30/11), partisipa hosi Presidente Tribunal Rekursu, Membru Governo, Korpu Diplomatiku, Kombatente Libertasaun Nasional, Centro Nacional Chega!,ho sosiedade sivil sira. * [ Ato ‘Lekinawa’ Costa | TAFARA.TL | 30.11.2018 ]

About Fernando Antonio da Costa

Fernando António da Costa, konhesidu ho Ato "Lekinawa", iha TAFARA.TL nudar General Manager & Editor, no mos hamutuk ho Metódio Caetano Moniz & Zevonia Vieira funda media online TAFARA.TL.

Check Also

Prezidente da Republika Promulga OJE 2019

Prezidente da Repúblika, Dr. Francisco Guterres Lú Olo, ohin, promulga Lei N. 5/V-Orsamentu Jerál Estadu …

Leave a Reply

Your email address will not be published. Required fields are marked *