Sunday , June 24 2018
Home / Sosial & Politika / Laura: Muda Mentalidade Patriakal, Atu Ema Hotu Bele Respeita Malu
Sekretaria Estadu Igualidade Jeneru no Inkluzaun Sosial, Laura Menezes Lopes halo entrevista ho jornalista. [Foto: Virginia Pereira | 08.06.2018]

Laura: Muda Mentalidade Patriakal, Atu Ema Hotu Bele Respeita Malu

“Problema violensia domestiku, problema violensia hasoru feto. sira hare katak problema hirak ne,e, hanesan kauza abut ne’ebe haterik feto nia partisispasaun”. Laura Menezes

Konferensia internasional ho tema Feto Forte, Nasaun Forte ne’ebe hetan partisipasan hosi nasaun Afrika, Amerika Latina,Europa inklui Timor-Leste.

Ba jornalista sira Sekretaria Estadu Igualidade Jeneru no Inkluzaun Sosial, Laura Menezes Lopes, hateten governu kontinua koopera ho parseiru sira atu bele fo partisipasaun kualidade ba prosesu dezenvolvimentu nasional, tanba importante ba partisipasaun feto iha dezenvolvimentu nasaun. Atu bele hakbiit sosiadade, hakbiit mos maluk feto sira, atu bele fo partisipasaun kualidade ba prosesu dezenvolvimentu nasional.

Laura Menezes mos informa katak liu hosi konferensia ida ne’e oradora sira koalia konaba partisipasaun feto, problema violensia domestiku, problema violensia hasoru feto. sira hare katak problema hirak ne,e, hanesan kauza abut ne’ebe haterik feto nia partisispasaun, bainhira ita halo sorumutu hanesn ne’e ita bele hetan solusaun, atu nune ita bele halo influenza, halo sensibilijasaun ba komunidade, ba feto ho mane iha respeitu ba malu, liu hosi uma kain sira, fahe responsabilidade, halo dialogu, halo komunikasaun buka solusaun ne’ebe pasivu ba ema hotu, atu bele ba partsipa iha dezenvolvimentu nasional. Tamba ne’e partisipasaun feto importante, desde luta da libertasaun da patria, no agora partisipasaun feto importante luta ba liberta feto, mane no povu husi kiak no mukit.

Ba jornalista sira Laura mos informa katak Timor-Leste kontinua halao nafatin nia responsabilidade obstaklu ruma ne’ebe povu hasoru hanesan mentalidade sei metin iha feto nia neon, ida ne’e presiza fo atensaun maximo, kontinua programa sensibilizasaun regular to iha nivel aldeia, suku atu muda mentalidade ida ne’e, mentalidade patrioka, liu husi edukasaun sivika importante, edukasaun formal importante, azuda mos edukasaun sivika ba iha komunidade nia leet.

“Hau optimista katak loron ida, ita sei muda mentalidade patriakal, atu ema hotu bele fo respeita ba malu, ema hotu bele rekonnese katak potensia feto importante prejensa feto importante ba dezenvolvimentu”, hateten Laura

Laura mos hateten maske nune’e progresu ba partisipasaun feto komesa lao dadauk ona, katak parte hotu tau atensaun ba kombate violensia domestika, kombate violensia hasoru feto, parte hotu iha konsiensia atu hakbit partisipasaun feto hotu-hotu iha vida lideransa vida Ekonomika.

Iha fatin hanesan, liu hosi deskursu Prezidente da Republika, Dr. Francisco Guterres Lú Olo hatoo katak hasa’e oportunidade ba feto timoroan sira, atu ezerse sira-nia sidadania sai prioridade ida ba Prezidente Repúblika.

“Ita iha dezafiu barak ne’ebé presiza hakaat liu, hodi hetan objetivu ida-ne’e hodi hametin sosiedade ninia respeitu no rekoñesimentu ba feto sira. Konferénsia ida-ne’e oportunu. Partisipasaun iha sorumutu ida-ne’e hosi feto sira-ne’ebé loroloron hatudu kapasidade no kompeténsia, iha sira-nia área atividade, sai hanesan ezemplu ida no fó aten-barani ba feto seluk ne’eb hakarak lao ba oin no bele lao dook liutan”, hateten Lú Olo iha salaun Ministeriu Finansas, 08/06. * [ Virginia Pereira | Editor: Zevonia Vieira | TAFARA.TL | 09.06.2018 ]

About Virginia Pereira

Check Also

Sistema Online Iha Klinika Becora, Fasilita Inan Isin Rua Sira

Saude nudar seitor importante iha ema ida nian moris, ho saúde ne’ebe diak sei salva …

Leave a Reply

Your email address will not be published. Required fields are marked *