Wednesday , January 17 2018
Home / Sosial & Politika / Laura: Rede Feto Iha Progresu Barak, Ezistensia Rede Feto Importante
Secretaria Estadu Igualdade Generu Inkluzaun Social, Laura Pina hamutuk Rede Feto iha loron refleksaun RFTL. [Foto: Bebiana Soares | 11.01.2018]

Laura: Rede Feto Iha Progresu Barak, Ezistensia Rede Feto Importante

Secretaria Estadu Igualdade Generu Inkluzaun Social, Laura Menezes Lopes iha abertura ba loron reflesaun Natal hamutuk ba partisipante tomak hateten katak, ohin loron desezia katak oportunidade halo reflesaun atu aruma fila fali forsa tomak no hadia fila fali frakeza sira ne’ebe liu tiha ona, atu nune’e bele hetan matadalan foun hodi bele halao knaar diak liu tan ba futuru relasiona ho promove direitu feto igualdade de jeneru, atu bele atinje sosiedade ida ne’ebe inkluzivu liu tan, tuir povu nia mehi iha future.

Laura Menezes mos informa katak governu iha komitmentu hodi servisu ho sosiedade sivil hotu hodi define atividade sa mak sira hakarak atu halo, no difini atividade saida mak bele ajuda hodi aselera no konkretiza liu tan, hodi bele sai realidade iha ema hotu-hotu nian.

“Estadu iha obrigasaun haktuir tiha ona, hamosu Lei programa, adopta programa no politika konaba abordazen integradu jeneru iha linas ministeriais no munisipiu. Agora ita hotu nia papel atu bele dudu prosesu ne’e sai nudar realidade iha ukun nain sira nia servisu loro-loron no mos moris sosiedade sira nian, atu nune’e ita bele atinze duni vizaun ida ne’ebe hakerek iha ita nia planu estrateziku dezenvolvimentu ne’ebe maun boot Kay Rala Xanana Gusmão mak lidera katak to 2030, ita atinze sosiedade ida ne’ebe moris iha kultura foun, kultura igualdade jeneru no mos iha inkluzaun social”, esplika Laura.

Governante ne’e mos haktuir katak Rede Feto iha ona istoria barak no progresu barak iha pasadu liga ho issue feto, igualdade jeneru sai atensaun boot iha orgaun boot soberania sira. Iha pasadu rede feto nia ezistensia importante, presiza tebes no fo rekursus humanus ne’ebe forte no espera katak ba oin serviu hamutuk ho governu bele regular liu tan. Tuir politika Governu nian sei kontinua nafatin advokasia hodi hametin instituisaun estadu liuliu governu nian ne’e konsidera nafatin prinsipiu igualdade generu iha programa jestaun no mos halao nafatin knaar hanesan kapasitasaun, liuliu ba maluk feto sira iha area lideransa negosiu.

Iha tempu hanesan Prezidente Ezekutivu Rede Feto Timor Leste, Judita Dias Ximenes, 11/01 ba jornalista sira hatete, Rede Feto desde harii organizasaun ida ne’ebe maka solidu teb-tebes.

Liga ho orsamentu ne’ebe la permanente hodi apoio programa iha Rede Feto, ba jornalista sira Judita hatete orsamentu ne’ebe la permanente iha RFTL, sai hanesan dezafiu ba secretariadu RFTL nian, atu halao atividade advokasia ne’ebe mak iha

Dezafiu boot ba Rede Feto mak ne’e Rede Feto liana nia orsamentu ne’ebe mak permanente hanesan Cruz Vermelha ninian no konsellu Juventude ninian ne’ebe maka governu haraik, tan ne’e mak Rede Feto halo aprosimasaun ba governu agora dadaun atu oinsa mak bele haree mos atu liliu atividade operasionais secretariadi Rede Feto ninia atu halo ninia atividade advokasi ida ne’e tenke ser asegura”, katak Judita

Membru Rede Feto rezistradu hamutuk 32, no ne’ebe sei ativu hamutuk 21 resin maske la dun ativu iha Rede Feto maibe sei kontinua halao servisu kona ba feto nian. Planu ne’ebe Rede Feto sei implementa iha tinan ida ne’e mak sei halao kongresu nasional, hodi hamosu plataforma feto hotu-hotu nian.*[Bebiana Soares | Editor: Zevonia Vieira | TAFARA.TL | 11.01.2018]

About Bebiana Soares

Bebiana Soares, Jornalista TAFARA.TL, ativu desde tinan 2015, no mos nudar membru Asosiasaun Alumni Parlamentu Foinsa'e Timor-Leste (APFTL). 🇹🇱

Check Also

Luis: PPN Blokea Ajenda Hosi AMP, Branco: AMP Husu Ajenda Ba Sira nian Interese

“Akontese maka ajenda deit, ba interese grupu ninian, atu hadau poder, entaun ami hare katak …

Leave a Reply

Your email address will not be published. Required fields are marked *