Saturday , July 21 2018
Home / Sosial & Politika / Lei Anti Corupsaun Urgenti Ou Lae Hodi Tau Iha Agenda Plenaria PN?
Edifisiu CAC iha Timor-Leste. {Foto: Timor-Leste Ministry of Finance].

Lei Anti Corupsaun Urgenti Ou Lae Hodi Tau Iha Agenda Plenaria PN?

Comisaun Anti Corupsaun (CAC) kontinua Ezije Lei Anti Corupsaun ne’ebe oras ne’e pendente hela iha Parlamentu Nasional.

Loron 9 Dezembru nudar loron hodi selebra loron ‘Anti Korupsaun’,  tema iha tinan ida ne’e hateten atu aprova Lei Anti Korupsaun, hodi CAC bele partisipa  ativu iha kombate korupsaun.

Bainhira Jornalista TAFARA.TL dada lia ho Deputadu husi Bankada PLP, Mericio Akara hateten desde iniciu PLP iha komitmentu hodi kombate korupsaun, “ami mos iha komitmentu atu deskuti Lei Anti Korupsaun, bainhira tama ona agenda iha meza Parlamentu, husi parte PLP ami preparadu atu deskuti Lei ida ne’e”.

Eiz Diretor NGO Luta Hamutuk ne’e hatutun tamba sa mak Lei Anti Korupsaun seidauk bele tau iha Agendamentu Plenaria,  tanba iha fulan tolu, iha prioridade barak mak tenke diskuti hanesan programa governu seduak aprova, orsamentu estadu tina oin sedauk aprova. Prioridade hirak ne’e maka meza parlamentu konsidera Lei Anti Corupsaun seidauk tama agenda.

Reprezentante Povu iha Uma Fukun Parlamentu Nasional ne’e salienta liu tan katak, preokupasaun husi CAC rasik, husi publiku hotu katak presiza duni iha Lei anti korupsaun, hodi fo poder forsa liu tan ba CAC.

Tuir advogadu, Manuel Tilman hateten Lei ida pendente hela iha Parlamentu ne’e ho nia principiu rua. Wanihira Diretor Geral ida ne’ebe ninia salariu $ 250.00, derepente nia iha andar ida ka rua ka tolu tenke buka hatene osan ne’e mai husi ne’ebe, signifika CAC bele suspeita ona husi ne’ebe. Principiu ida seluk maka kuandu, nia akuzadu tenke prova katak osan mai husi ne’ebe, laos Ministeriu Publiku maka tenke prova.

“Lei ida ne’e sinal esterior de riquesa katak, iha sasan hanesan mai husi ne’ebe entaun CAC bele loke inqueritu ida, hodi hatene osan ne’e mai husi ne’ebe I nia maka tenke prova,” haktuir Manuel Tilman iha nia serbisu fatin hotel Garden Beach praia de qouquirus Dili.

Eis Deputadu ne’e mos sublinha liu tan katak, Lei ne’e urgente maibe tenke hare inisiativa mai husi deputadu sira ou mai husi Governu hodi bele koalia no tau iha agendamentu ba plenaria.

Husi parte seluk estudante Direitu universidade Dili, Zaulino Gomes da Silva hateten tuir prosesu legal sira iha Timor konserteza CAC nia serbisu hare liu ba iha prevensaun korupsaun ninian, agora nain ba krime hotu ne’e Ministeriu Publiku, hakrak ka lakoi CAC tenke nafatin halao nia knaar bele identifika korupsaun sira mak iha Timor, depois haruka ba Ministeriu Publiku hodi kontinua prosesu.

“CAC ezije ba Parlamentu Nasional atu aselera lalais Lei Anti Corupsaun atu hamosu Lei, ne’e kompetensia Parlamentu nian. Parlamentu Nasional karik seidauk aprova, ita lao lai ho kodigu penal mak iha, kodigu penal naton hela para CAC bele halo nia funsaun tuir Kogidu penal ne’e, atu halo prosesu investigasaun hodi bele identifika sidadaun sira ne’ebe involve ba halo Corupsaun, maibe la signika ne’e tenke urgente ou la urgenti”, hateten Zaulino.* [Jesuino M. de Jesus | TAFARA.TL | Editor: Zevonia Vieira | 06.12.2017].

About Jesuino Marcal de Jesus

Jesuino Marcal de Jesus, Jornalista, Webmaster no mos nudar Business Manager TAFARA.TL.

Check Also

Governu Hato’o Pedidu 140 Milloens ba Parlamentu Nasional Hodi Responde ba Situasaun Atual

Relasiona ho liquides estadu ka orsamentu estadu laiha, VIII Governu Konstitusional atraves Konsellu Ministrus ohin …

Leave a Reply

Your email address will not be published. Required fields are marked *