Thursday , February 21 2019
Home / Sosial & Politika / Leovigildo Husu ba Komite Hakerek Livru Partisipasaun Juventude Iha Luta Libertasaun Metin Nafatin
Prezidentne Komite Orientadora 25, Constâncio da Conceiçao Pinto ‘Terus’ entrega sertifikadu apresisaun ba SE SEJD, Leovigildo da Costa Hornai . [Foto: Zinho MD | TAFARA.TL | 06.09.2017]

Leovigildo Husu ba Komite Hakerek Livru Partisipasaun Juventude Iha Luta Libertasaun Metin Nafatin

“Ita iha lider boot sira, ita nia maun boot sira, mas ita boot sira ne’e, ema ida ke importante iha história Timor, tanba ne’e mak halo ha’u forsa, obriga ha’u atu tuku ita boot sira nia odamatan hodi hamutuk,” dehan Leovigildo iha nia diskursu.

Leovigildo husu ba Komité 25 atu nafatin halibur malu nafatin, metin, barak liu tan hodi bele halo buat ruma ba Timór, no nafatin kontenti, kolabora ho membru governu foun.

Komité 25 harii bazeia rezolusaun governu no. 1/2017, 09 de Janeiro, ho obetivu hakerek história Timór nian, liu-liu luta foinsa’e estudantil Timor-Leste. Iha loron 06/09, Komité 25 hato’o agradesimentu ba Secretario Estado Joventude e do Desporto, Leovigildo da Costa Hornai ne’ebé hamutuk ho komité 25 durante tinan rua ho balu nia laran.

Iha intervista ho Jornalista sira, Sekretariu Estadu Juventude Desportu, Leovigildo da Costa Hornai hateten, “Ha’u hanoin katak involvimentu ha’u nian ne’e la importante, importante mak ekipa ne’e ba oin. Ha’u nia kolega ne’ebé mak substitui ha’u, sira bele hatutan projetu ida ne’e para atu bele sai realidade no hetan nia output ka realidade.”

Iha sorin seluk, prezidente komité orientador ba hakerek livru partisipasaun juventude iha luta libertasaun patria, Constâncio da Conceiçao Pinto ‘Terus’ esplika, servisu ne’e kompleksu tebes tanba ne’e hakerek kona-ba història Timòr nian.

“Ida ne’e serbisu ida ne’ebé mak kompleksu tebes tanba ita hakerek kona-ba história, história das lutas da resistensia liu-liu tokadu ba iha juventude mas tambem ligados mós ba iha setores sira seluk, ba ita nia jerasaun tuan sira, ne’ebé ita buka atu kumpri mandatu ne’ebé mak iha, sinco anos nia laran mas tambem ami tenki halo serbisu, tal manenira ke sai produtu ne’ebé mak di’ak,” dehan Consatâncio Pinto.

Constâncio Pinto akresenta, “ita nia história ne’e importante tebes ba ita nia jerasaun ida ikus mai ne’e, ita tenki hametin ita nia identidade, kulturál, ita nia espiritu nasionalismu liu husi ita nia história rasik tanba independensia ne’e la’os monu husi loron mai, liu husi prosesu naruk ida.”

Tuir observasaun Jornalista TAFARA.TL nian, iha serimònia ne’e, komité orientador 25 entrega mòs fotografia grupo, sertifikadu apresiasaun no tara tais ba Secretario Estado Joventude e do Desporto, Leovigildo da Costa Hornai nu’udar sinal agradesimentu ba dedidkasaun ne’ebe mak halo ona. *[Maria do Ceu, Jesuino Marçal de Jesus | TAFARA.TL | Editor: Martinho Moniz | 07.09.2017].

About Jesuino Marcal de Jesus

Jesuino Marcal de Jesus, Jornalista, Webmaster no mos nudar Business Manager TAFARA.TL.

Check Also

Kursu Promosaun Ofisial Inspetor PNTL, FM: Sei Hamosu Deskonte Barak

Ministeriu Interior hasai Diploma Ministerial N.o 35/2018 de 29 de Novembro hodi halo promosaun ba …

Leave a Reply

Your email address will not be published. Required fields are marked *