Saturday , April 20 2019
Home / Sosial & Politika / Lere: Frente Externa Laiha, Frente Interna Mos La Halo Buat Ida.
Major Jeneral F-FDTL, Lere Anan Timur halo entrevista ho jornalista sira iha palacio prezidensia. [Foto: Zevonia Vieira | 21.02.2018]

Lere: Frente Externa Laiha, Frente Interna Mos La Halo Buat Ida.

Sem frente externa, ne’e mos frente interna la halo buat ida. Sem frente interna, frente externa mos la halo buat ida”. Lere Anan Timur

Major Jeneral F-FDTL, Lere Anan Timur hasoru malu ho Prezidente da Republika, hodi informa konaba preparasaun forsa hodi asegura eleisaun antesipada.

Ba jornalista sira Lere Anan Timur, iha palacio prezidensia, 21/02 afirma katak iha sorumutu refere aprezenta situasaun rai laran nian ne’ebe lao hakmatek no koalia mos kona ba preprasaun seguransa ba eleisaun antesipada.

“Despositiva forsas armadas nian, servisu hamutuk ho polisia nasional, sei garante seguransa ba eleisaun antesipada. Problema mak parte soul iha fulan Maiu ne’e tempu udan, maibe military la tau kestaun konaba udan, maibe tau kestaun mak kabun mamuk ne’e deit. Kuandu kabun bosu ona ne’e udan ka tempu nakukun mos tenke ba”, informa Lere

Iha sorumutu refere Lere Anan Timur ho Prezidente Lú Olo mos koalia konaba situasuan entre lider sira. Lere hateten katak povu hotu hatene ohin loron lider istoriku sira ne’ebe uluk servisu hamutuk hanesan frente externa no interna, sira tau forsa no matenek hamutuk, mak ohin loron sai nasaun no povu ida ne’ebe soberanu iha mundu rai klaran.

“Kuaze jerasaun foun hakarak fahe ita nia lider istoriku sira, ema sira ne’ebe halo apresiasaun hakarak fahe ita nia lider sira ne’e, tanba sira la hatene istoria, no sira la moris iha prosesu libertasaun nasional nian. Ami ne’ebe uluk sente iha isin lolon, problemas hirak ne’ebe tula ba ami nia kabas leten, atu hetan ukun an ne’e, ami sente ho problemas hirak ne’ebe mosu. Sem frente externa, ne’e mos frente interna la halo buat ida. Sem frente interna, frente externa mos la halo buat ida. Ramos Horta laiha liur mos, hau nia biru makas, ne’ebe dala ruma hau sei moris, mais hau maluk barak dala ruma mate ona, katuas Xanana maran tiha iha Cipinan ne’eba. Ne’e mak hau hanoin katak jerasaun foun lalika fahe ita nia lider istoriku sira ne’e maibe halo oinsa para lori sira tenke hamutuk hodi ukun nasaun ida ne’e. Sira tenke iha consensus halo oinsa para nasaun ne’e lao ba oin, para Timor ne’e moris iha estabilidade nia laran”, hateten Lere

Iha oportunidade ida ne’e eiz falintil ne’e apela ba partidu politiku sira ne’ebe sei halo kampanna eleitoral, atu bele sai ema ne’ebe edukadu, sivilizadu, hatene koalia no sukat idak-idak nia lia fuan.

“Oportunista balun hakarak uza oportunidade ida ne’e, hodi atinji nia objetivu. Sira ohin loron koalia ne’e, tenke imajina saida mak uluk sira nia aman no avo sira trabesa iha tinan 24 nia laran ne’ebe terus. Ami mos lakoi nega terus ida ne’e, ne’e mak ami hakarak katak eleisaun antesipada ne’ebe sei mai, apela ba lider sira sukat lian no edukadu liutan tanba povu ne’e maduru liu ona”, tenik Lere. *[ Zevonia Vieira | TAFARA.TL | 22.02.2018 ]

About Zevonia Vieira

Zevonia Vieira, Chefe Redasaun TAFARA.TL, hamutuk ho Metodio Caetano Moniz & Fernando Antonio da Costa hari media online TAFARA.TL, iha Oe-cusse, Ambeno, dia 23 de Agosto de 2015.

Check Also

Bankada Fretilin Sauda no Respeita PR nia Desizaun Promulga OJE 2019

Relasiona ho Prezidente da Republika, Francisco Guterres Lú Olo promulga Orsamentu Jeral Estadu [OJE] 2019, …

Leave a Reply

Your email address will not be published. Required fields are marked *