Monday , December 10 2018
Home / Sosial & Politika / Lere: Pozisaun Militar Fo Protesaun ba Bens Estadu no Populasaun
Major-Jeneral F-FDTL, Lere Anan Timur hatan hela pergunta husi jornalista sira hafoin remata hasoru malu ho Prezidente da Republika.[Foto: Zinho MD | TAFARA.TL | 15.11.2017].

Lere: Pozisaun Militar Fo Protesaun ba Bens Estadu no Populasaun

Major-Jeneral F-FDTL, Lere Anan Timur hasoru malu ho Prezidente da Republika, hodi informa situsaun military nian.

Hafoin remata enkontru ho Prezidente da Republika, ba jornalista sira Lere Anan Timur hateten katak pozisaun forsas armada nian iha krizi mak saida? Primeiru tenke fo protesaun ba bens estadu nian no bens populasaun ninian.

“Pozisaun forsas armada nian iha krizi mak saida? Primeiru tenke fo protesaun ba bens estadu nian i bens ita nia populasaun ninian, ne’e mak primeiru prioridade, oho malu baku, malu ne’e segunda Prioridade, oho malu baku, malu ne’e imi nia hakarak, agora ba sunu ema ferik katuas, ida nia keos ne’ebe nia lori tempu mak hari ou sosa kareta ida, ne’e mak prioridade”, hateten Lere.

Funu Nain ne’e mos informa liu tan katak, atu reuni ho ofisias sarjentus, atu fo mensagen, fo apelu ba dever militar ninan, iha situasaun ne’ebe sensivel oituan iha momentu agora.

Lere mos salient katak iha esperansa bo’ot ba lider istoriku sira, hodi buka solusaun ne’ebe diak ba povu ida ne’e.

“Hau iha esperansa bo’ot ba lider istoriku hanesan Xanana, Taur, Mari, Ramor no Abilio Araujo  nain hira ne’ebe sei moris, tamba sira laos ema qualker no sira sei lori solusaun diak ida ba povu hotu,” salienta Lere.

General forsas Armadas ne’e mos informa ba Presidente konaba karik orsamentu retifikativu la liu saida mak afeta ba forsas Armadas.

“Hau hateten ba militar sira katak, ita nudar militar, ita dezanraska hanesan gerilireiru sira iha 24 anos nia laran, ita buka debe deit mos la iha problema, depois governu hakarak selu, lakoi selu mos  la iha problema. Orsamentu retifikativu liliu husi parte militar preparadu ona, tamba husi parte forsa defeza koalia ona ho Kompanna balun, hodi sustenta bainhira orsamentu retifikativu la liu. Militar seidauk iha dividas maibe komesa tama daudauk ona”, esplika Lere.* [Jesuino Marcal de Jesus | TAFARA.TL | Editor: Zevonia Vieira | 15.11.2017].

About Jesuino Marcal de Jesus

Jesuino Marcal de Jesus, Jornalista, Webmaster no mos nudar Business Manager TAFARA.TL.

Check Also

Komemora Loron Invasaun, PR Lú Olo Sauda CNC nia Inisiativa Hodi Hametin Memoria Kolektiva

Prezidente da Republika, Dr. Francisco Guterres Lú Olo sauda Centro Nasional Chega! no ekipa toma …

Leave a Reply

Your email address will not be published. Required fields are marked *