Thursday , August 16 2018
Home / Sosial & Politika / Lere: Sira Laiha Xanana no Taur Mos Laiha, Falur: Espiritu Labele Sosa No Faan
Brigadeiru Aluc, Maunana, Maio Jeneral Lere, Falur no Sabika halo entrevista ho jornalista sira iha palacio prezidensia. [Foto: Zevonia Vieira | 07.06.218]

Lere: Sira Laiha Xanana no Taur Mos Laiha, Falur: Espiritu Labele Sosa No Faan

“Kilat musan ne’ebe sira hetan loas opoiu hosi esterior, ema ne’ebe la mate no sei moris ohin loron ne’e, tanba sira nian esforsu. Situsaun defisil impoen disiplina, hahan laiha buka hahan ba sira han, ropa no kilat musan laiha sira ba buka para iha, idak-idak sai sobreviver”. Lere Anan

Koronel Domingos Raul “Falur Rate Laek”, Koronel Américo Ximenes “ Sabika Bessi Kulit”, Koronel Cornélio Ximenes “Maunana” no Koronel João Miranda “Aluc Descartes” hetan promosaun ofisias nudar Brigadeiru Jeneral.

Iha entrevista ho jornalista sira, Xefe Estadu Maior Jeneral FFDTL, Lere Anan Timur esplika katak Iha Falintil Forsa Defeza Timor-Leste [F-FDTL] iha Lei da forsas ho naran Lei da Promosaun hanesan promosaun distinsaun, eskolha, pronomisaun no espetional. Tuir Lere katak koronel nain haat ne’ebe hetan promosaun brigadeiru jeneral ne’e nudar promosaun distinsaun.

“Ne’e vaga iha ka lae iha, sira tenke promove no ida ne’e laos kareira. Kareira iha military ne’e to deit koronel, so balun mak to jeneral kuandu iha nesesidade. Sira ne’ebe ohin promove tanba hare ba sira nia situasaun, alende ohin loron faz parte hosi F-FDTL maibe dehan katak Falintil Forsa Defeza Timor-Leste, tanba ida ne’e mak sira nia promosaun bolu distinsaun katak tenke rekonnese, estadu valoriza ba sira nia kontribuisaun ne’ebe harii estadu no nasaun ida ne’e”, esplika Lere.

Hatan ba TAFARA.TL liga ho funsaun ne’ebe brigadeiru nain haat sei kontribui iha FFDTL? Lere hatan katak sei define funsaun ne’ebe sei sei ezekuta, “hau nudar komandante, hau konfia nafatin ba sira atu halo sira nian funsaun”.

Komandante Lere mos informa ba jornalista sira konaba tempu pasadu katak, bainhira sira nain haat ne’ebe ohin hetan promosaun, se sira laiha Xanana no Taur mos laiha.

“Kilat musan ne’ebe sira hetan loas opoiu hosi esterior, ema ne’ebe la mate no sei moris ohin loron ne’e, tanba sira nian esforsu. Situsaun defisil impoen disiplina, hahan laiha buka hahan ba sira han, ropa no kilat musan laiha sira ba buka para iha, idak-idak sai sobreviver”, konfesa Lere, iha palacio prezidensia, 07/06.

Iha seremonia promosaun brigadeiru jeneral la marka prezensa hosi lider nasional Xanana Gusmao no Taur Mata Ruak. Ba kestaun ida ne’e hatan ba media GMNTv, Lere hateten katak Xanana ho Taur nudar komando da luta, “sira nain haat ne’e inklui hau, subordinadu sira nain rua nian, sira la marka prezensa ne’e karik iha servisu barak, maibe sira labele haluha katak sira nain rua deve sira nain haat no deve mos hau. Kilat ne’ebe sira lori ne’e, ami nia kilat laos sira mak kaptura, ida ne’e mak sira tenke hanoin didiak, maibe ami la tau kestaun, ami laran metin nafatin ba sira nain rua no fo konfiansa, sira mos hanoin katak konfia nafatin, liu-liu ami nain lima”.

Iha tempu hanesan Brigadeiru Jeneral Falur Rate Laek hatoo nia sentimenu katak honra ne’ebe hetan ne’e hanesan buat todan no tos ida mai mai.

“Todan katak lori tempu naruk no prosesu naruk to iha ne’e, todan tanba prosesu sei lao, saida mak ita halo, ita sei la hatene. Tos mos tanba liu hosi tempu naruk, hasoru obstaklu barak, ami ne’e treinamentu military laiha, la liu hosi akademik military mak dezafia jeneral iha mundu tomak nian ne’e la mamar”, konfesa Falur Rate Laek.

Falur Rate Laek mos apela ba F-FDTL katak prezensa brigadeiru nain haat ne’ebe foin hetan promosaun iha F-FDTL katak jerasaun foun sira nia ran tenke maubere, “naan ne’e martires herois sira ne’ebe nia isin fase tiha rai Timor no sai tiha jardim ba imi hotu, ne’e mak tenke sai isin lolon, espiritu ne’e labele sosa no labele faan”. * [ Zevonia Vieira | TAFARA.TL | 07.06.2018 ]

About Zevonia Vieira

Zevonia Vieira, Chefe Redasaun TAFARA.TL, hamutuk ho Metodio Caetano Moniz & Fernando Antonio da Costa hari media online TAFARA.TL, iha Oe-cusse, Ambeno, dia 23 de Agosto de 2015.

Check Also

Membru Komunidade Balun nia Moris Depende ba Lixueiru Tibar, Maske Fatin Refere Bele Lori Moras

Aldeia Turlio, Tibar fatin ida ne’ebé Governu determina hodi soe lixu ne’ebé produz husi komunidade …

Leave a Reply

Your email address will not be published. Required fields are marked *