Monday , June 17 2019
Home / Eleisaun Parlamentar / Letra Braille Ba Maluk ho Difisiensia Sira Importante iha ELPAR
Ema ho Difisiensia. [Foto: UNDP Timor-Leste]

Letra Braille Ba Maluk ho Difisiensia Sira Importante iha ELPAR

Kampanna politika haleu hela Timor laran tomak, partidu idak-idak ho ninian manifesto hodi aprezenta ba povu, saida mak serve sira halo. Povu sira rona no hein saida mak sira atu halo.

Vise Prezidente Estudantil Ensino Sekundaria Kay-Rala, Joana Antonia Agueda de Jesus, ba TAFARA.TL hateten wainhira partidu ida ne’ebé mak kaer ukun, nu’udar estudante ho esperansa katak, komprimisiu ne’ebé durante kampaña ne’e tenke kumpri, iha area edukasaun.

Joana mos afirma katak sekarik parpol ne’ebe kaer ukun ba VII governu Konstituisional halakon tiha sistema familiarizmu ne’ebe akontese iha nasaun Timor-Leste.

Entertantu Estudante UNPAZ, Evaristo dos Reis Fereira Iha nia intervensaun hateten parpol hatoo programa oioin iha kampaina eleitoral, maibe nia husu labele promete deit maibe tenke tun ba baze haree juventude nia moris

“Ita nia nasaun ne’e foin mak hamriik e presiza buat barak mak sira sei halo. Hau husu ba partidu 21 labele promote barak, labele koalia barak, maibé tenke tun direitamente ba baze atu haree buat balu ne’ebe maka juventude sira hasoru, durante tinan hira nia laran liu-liu iha parte edukasaun e mos iha parte juventude sira”, hateten Arys.

Hanesan Membru Organizasaun Movimentu Tane Timor (MTT),ne’e mos hatutan tan katak Iha VI Governu buat barak mak sira halo no buat barak mos mak sira lahalo, hanesan estudante nia haree edukasaun atinje ona maibe kultura mak seidauk atinje.

Nune’e mos Eiz Xefe Aldeia Kakeularan Suku Bekora Jose Sarmento do Rego (62) ba TAFARA.TL hateten, dala barak ukun nain sira hato’o promesa oioin maibe sira la kumpri promesa hirak ne’e bainhira ukun.

Governu ita foti dala hira ona, tun mai promete buat barak, e ikus mai la halo, balu halo balu lahalo, ita halai ba estrada dehan katak, bainhira imi foti ami, povu sei asesu ba estrada, maibe ba estrada mos kuak mak barak, hau la hatene orsamentu boot ne’e ba iha ne’ebé”, dehan eis autoridade lokal ne’e ba jornalista tafara.org iha Bekora, Dili(13/07).

Iha parte seluk Orlando Tilman nunes(23), hanesan Joven ida ne’ebe ho defisiensia hato’o mos nia preokupasan ne’ebe nia hasoru, bainhira atu ba ezerse nia direitu iha eleisaun parlamentar mai katak, ema ho difisiensia hasoru problema iha tempu elisaun tanba CNE no STAE seiduk implementa fatin spesial ba difisiensia sira atu ba vota.

“Ami difisiensia matan problema ne’ebé mak durante ne’e ami hasoru ba iha eleisaun, hanesan ami ida bele haree oituan ba tuir eleisaun bele mesak, maibé susar tebes ba ami nia maluk sira ne’ebé mak la haree liu, sira sei presiza ema ruma atu akompaña sira ba iha fatin segredu ka fatin ne’ebé mak atu vota, tanba iha ne’ebá laiha letra ida ami nian bolu dehan letra braille (letra ba difisiensia matan, red), iha ne’eba STAE ho CNE seidauk implementa letra ne’e iha ne’eba”, tenik Orlando ba Jornalista TAFARA.TL.

Maria Filomena Fatima Fereira(49), hanesan mos difisiensia matan hateten, husu ba parpol sira bele apoiu maluk ho difisiensia sira, hodi sira bele involve iha prosesu dezenvolvimentu.

“Ami hakarak sira apoiu husi ami nia difisiensia ne’e, sira tenke apoiu tau matan ba ami nia organizasaun, tenke tau hanesan luan ida, sira tenser importa di’ak para sira mos bele involve fali ami, para sira mos bele fó direitu mai ami difisientes, bele involve saida de’it ami iha direitu involve, labele hare ba ami nia difisientes, maibe haree ba ami nia kapasidade ho ami nia abilidade”, tenik Maria Filomena ho esperansa boot.

Povu sira hein ferik, katuas, joven feto no joven mane no maluk inklusivu sira iha esperansa boot katak liu hosi elisaun parlamentar bele hamosu rezultadu ne’ebe bele hamosi valor boot ba nasau ida ne’e. Bainhira ukun nain sira respeita povu nian votus, povu mos sei respeita ukun nain sira nian ukun.* [Manuel Andrade | TAFARA.TL | Editor: Zevonia Vieira | 16.07.2017].

About Emanuel Andrade

Check Also

PR Sei Estuda Lista Membrus Governu, Lú Olo: Hakarak Garante Bem Estar Do Estado

“Prezidente da Republika sei estuda hela, se to loron ida kazu hosi A ka B …

Leave a Reply

Your email address will not be published. Required fields are marked *