Monday , December 10 2018
Home / Eleisaun Parlamentar / Lista Kandidatura PPN Hosi AMP, Sei Desidi Hosi Nivel Alto AMP
Xefe Bankada CNRT IV Legislatura Arão Nõe halo entrevista ho jornalista sira. [Foto: Virginia Pereira | 11.06.2018]

Lista Kandidatura PPN Hosi AMP, Sei Desidi Hosi Nivel Alto AMP

“Ami sei reuniaun ho deputadus eleitu sira ho lideransa maximo AMP nian, mak foin bele foti desizaun konaba kandidatura”. Arão Nõe

V Legistlatura iha loron 13 Junhu sei hetan pose no loron premeiru ba plenaria. Preparasaun ba V Legislatura Parlamentu Nasional, bankada AMP sei aprezenta se mak atu sai kandidatu ba Prezidente Parlamentu Nasional [PPN]

Ba kestaun se los mak atu sai kandidatu ba meza PPN hosi parte Aliansa Mudansa ba Progres [AMP[, Xefe Bankada CNRT, Arão Nõe ba jornalista sira hateten to agora sedauk iha desizaun final konaba lista kandidatura hosi AMP nian, ba meza Parlamentu Nasional. Tenke hein tempu no labele publika naran deit, ida ne’e mak etika AMP nia hakarak kumpri regras.

“Ami sei reuniaun ho deputadus eleitu sira ho lideransa maximo AMP nian, mak foin bele foti desizaun konaba kandidatura. Ita iha partidu orgaun ida kolejial, desijaun hotu koletivu, katak desizaun laos ema ida rua nian, tamba ne’e mak iha reunian ida nivel alto AMP nian ho konseilho diretiva AMP nian, mak sei desidi lista kandidatura”, esplika Arão iha uma fukun parlamentu, 11/06.

Arão esplika katak, “tuir prosesu normal, lista rua, lista ida ba Prezidente ne’e eleisaun ketak, pakote rua, pakote ida ba Prezidenti parlamentu no pakote ida fali ba Vice Prezidente rua, Sekretari da meja, ho ida fali sekretari rua, rua ne’e tenke separadu, tamba Prezidenti ne’e eleitu lista ketak unika, depois seluk ne’e lista pakote ida sira nain lima ne’e naran iha laran, no vota ba lima ne’e. Tuir ajenda Parlamentu Nasional nian, tuir reunian lider bankada foin lalais ne’e, ne’e marka katak aban tuku 10 ultimo dia, ba aprezenta lista kandidatura, atu nune hodi fasilita vota eleisaun iha loron 13 Junhu, tamba tuir rezimentu hatete katak kandidatura ne’e tenke aprezenta dentru de 24 oras”.

Arão mos hateten katak maske mai ho lista unika maibe votasaun tenke iha nafatin, tanba ida ne’e parte hosi demokrasia, bele akontese vota kontra, vota abstensaun no vota a favor. * [ Virginia Pereira | Editor: Zevonia Vieira | TAFARA.TL | 11.06.018 ].

About Virginia Pereira

Check Also

PR Sei Estuda Lista Membrus Governu, Lú Olo: Hakarak Garante Bem Estar Do Estado

“Prezidente da Republika sei estuda hela, se to loron ida kazu hosi A ka B …

Leave a Reply

Your email address will not be published. Required fields are marked *