Saturday , November 17 2018
Home / Sosial & Politika / Liu Hosi Forum Peskas Nasional, Sei Dezenvolve Estratejia Peskas Nasional
Ministru Agrikultura no Peskas [MAP], Juaquim José Gusmão dos Reis iha Forum Peskas Nasional. [Foto: Reno Lopes Media MAP | 19.10.2018]

Liu Hosi Forum Peskas Nasional, Sei Dezenvolve Estratejia Peskas Nasional

Seitor Peskas nudar seitor importante hodi dezenvolve ekonomia iha rai laran, liu hosi Forum Peskas Nasional [FPN], ne’ebe organiza hosi World Fish, Xefe Departmentu ba Monitorizasaun, Pedro Rodrigues hateten forum ne’e sei marka rohan ba prosesu konsultasaun naruk no intensive ne’ebe halao hela durante fulan 18, liu hosi diresaun jeral peskas ho sira nia parseiru peskiza no organizasaun internasional World Fish.

Forum hirak ne’e nudar faze ikus ba prosesu konsultasaun ba Dezenvolvimentu Estratejia Peskas Nasional no revisaun ba Lei Peskas nian.

Pedro hatutan katak Estratéjia Peskas Nasionál iha objetivu atu trasa dalan ba dezenvolvimentu iha setór peskas ne’ebé sei fornese benefísiu nutrisaun, buka-moris no ekonómiku másimu ba nasaun ne’e, asegura hela peskas sustentavel no ambiente tasi-laran saudavel.

Iha fatin hanesan Peskizador hosi World Fish, Mario Pereira iha forum hateten durante iha rekolha dadus sai nudar dezafiu boot ba ekipa, atu kolekta dadus refere.

Prosesu konsultasaun involve reuniaun lokal no rejional hamutuk 32, mais menus peskador mane ho feto hamutuk 800 no reprezentativu sira hosi ajensia governu no naun governu hamutuk 30.

Forum Peskas Nasional ne’ebe realiza iha loron 16/10, Ministru Agrikultura no Peskas [MAP], Juaquim José Gusmão dos Reis ba jornalista sira hateten, governu perpara hela planu ba prosesu oinsa atu maneza peskadore sira atu bele koidadu mos meio ambiente iha tasi laran, tanba plastiku sira ne’ebe naklekar iha tasi laran bele fo impkatu ba anima sira iha tasi laran no sei la fo benefisiu ba peskador sira, no mos impaktu negativu sei daet ba konsumedor ikan sira.

Ba jornalista sira Ministru Juaquim mos hateten katak peskas illegal sira ne’ebe dala barak sei halo movimentu iha tasi Timor, bele fo impaktu ba peskador lokal sira.

“Peskador sira mos hato’o sira nia informasaun ne’e ba iha parte kompetente no ami mos halo seguransa masimu ona iha tasi laran tantu tasi feto ka tasi mane”, dehan Joaquim.

Forum Peskas Nasional ne’ebe halao iha Hotel Ramelau hetan partisipasaun hosi peskador sira ne’ebe hosi munisipiu Baucau, Lautem, Viqueque, Liquica, Dili, Manatuto, Manufahi, Covalima, Oecusse no inklui posto administrativu Atauro. Forum ne’e realiza tanb hetan apoiu finanseiru hosi Liurai Norwegia, liu hosi Embaixada Norwegia iha Jakarta no Banku Dezenvolvimentu Aziatiku. * [ Zelia Ximenes | Editor: Zevonia Vieira | TAFARA.TL | 19.10.2018]

About Zelia Ximenes

Check Also

Lú Olo: Juventude La Hakarak Promesas no Hakribi Atitude Koruptu

Hau fiar katak joven sira iha talentu atu hamosu no habelar idea foun no tau …

Leave a Reply

Your email address will not be published. Required fields are marked *