Sunday , June 24 2018
Home / Sosial & Politika / Lixu Soe Namkari, Komunidade Sedauk Iha Konsensia Hodi Tau Lixu Iha Nia Fatin
Lixu ne'ebe soe namkari iha bairo Girilhos. [Foto: Virginia Pereira | 11.03.2018 ]

Lixu Soe Namkari, Komunidade Sedauk Iha Konsensia Hodi Tau Lixu Iha Nia Fatin

“Sentimentu nudar Timor oan, liliu relasiona ho maun boot nia prezensa iha loron ohin fila hikas mai Timor,l olos hotu-hotu tenke iha konsiensia atu idak-idak hamos rasik ninia lixu, sa tan ita nia fatin lixu la iha, ne’ebe komunidade naran soe foer arbiru iha ne’e”. Junior Alves

Bainhira atu halo rai ne’e furak, laos deit hare hosi uma mutin boot sira iha sidade, eletirisdade ne’ebe lakan iha estrada ninin, movimentu trafiku ne’ebe la para, maibe bainhira hare sidade nia furak, bainhira ita hare sidade ne’e mos hosi lixu, no nakuno ho ai horis.

Lixu sai problema boot iha ita nia moris, lixu sei lori ita moris iha risku boot nia laran, liu-liu fo risku ba ema nia saude no inundasaun. Presiza edukasaun sivika no sosializasaun masimu hosi ministeriu relevante, hodi bele hare seriu ba problema ida ne’e.

Iha loron Domingo, 11/03 bainhira Xefe Negosiador ba Fronteira Maritima, Xanana Gusmao fila mai Timor, ema barak iha antusiasmu hodi ba simu tanba vitoria ne’ebe mak konsege Xanana Gusmao halo ho governu Timor-Leste. TAFARA.TL koko hare anglu seluk, katat bainhira Xanana Gusmao to iha Dili, karik iha nia laran hare sidade Dili nakonu ho lixu oin-oin ne’ebe namtati iha estrada ninin sira.

TAFARA.TL hakbesik ba komunidade ida ne’ebe mak ba simu Xanana Gusmao iha Aero porto Nicolau Lobato, Junior Alves [27], konfesa ba TAFARA.TL ohin loron maun Xanana Gusmao fila mai Timor, tanba nia halo serviu importante iha liur hodi halo negosiasaun ba soberania Timor-Leste, maibe hare iha dalan ninin sira nakonu ho lixu.

“Lixu ne’e lolos governu liu husi ita nia ekipa SAS, ne’ebe loron-loron mai hili foer, maibe ohin loron Domingo ne’ebe la mai, maibe lolos ne’e komunidade iha ninia responsabilidade hare lixu ne’e. Sentimentu nudar Timor oan, liliu relasiona ho maun boot nia prezensa iha loron ohin fila hikas mai Timor,l olos hotu-hotu tenke iha konsiensia atu idak-idak hamos rasik ninia lixu, sa tan ita nia fatin lixu la iha, ne’ebe komunidade naran soe foer arbiru iha ne’e”, hateten Junior

Junior hatutan importante tebes ba ema hotu tau nia an, iha konsiensia atu moris iha ambiente ne’ebe moos, liu-liu iha loron importante ida ne’e. Komunidade sira tenke iha fuan boot hamoos rasik lixu iha uma oink a fatin ne’ebe deit. Bainhira Xanana Gusmao mai ho komunidade internasional no ekipa advogadu sira, Timor la dun hatudu imazen ne’ebe moos.

Iha sentimentu hanesan hosi estudante UNTL, Latoia da Costa Musiri [18], ba TAFARA.TL hateten, foer ne’ebe namkari iha rai ne’e la diak, tanba ohin loron simu lideransa nasional ne’ebe povu tomak respeita. Komunidade iha ne’e la dun koidadu ho ambiente moos, lixu namkari iha fatin barak.

Tuir Latoia hateten governu prepara ona lixu fatin maibe ema balun lau tau iha lixu fatin, “ba komunidade iha fatin ne’e, ita idak-idak tenke iha sentimentu atu hamoos lixu sira ne’e no labele soe arbiru, presiza ita servisu hamutuk atu ita labele hetan moras no hare fatin ne’e kapas no mos”, hateten Latoia

Povu Timor hadomi rai doben ida ne’e, lakohi rai ne’e monu ba risku tanba ita nia hahalo rasik. Lakohi komunidade atu moris iha tauk nia laran, tanba mosu inundasaun ne’ebe beler estraga komunidade nia uma, karik mos bele afeta ba labarik sira hodi moras tanba beneno hosi lixu. Proteje rai ne’e iha hotu ita nia liman. * [ Virginia Pereira | Editor: Zevonia Vieira | TAFARA.TL | 12.03.2018 ]

About Virginia Pereira

Check Also

Sistema Online Iha Klinika Becora, Fasilita Inan Isin Rua Sira

Saude nudar seitor importante iha ema ida nian moris, ho saúde ne’ebe diak sei salva …

Leave a Reply

Your email address will not be published. Required fields are marked *