Saturday , May 25 2019
Home / Sosial & Politika / Loron Abertura Debate OR, Hetan Seguransa Masimu Hosi Parte Seguransa
Seguransa sira halo pasta rabista ba jornalista sira no sosiadade sira ne'ebe atu mai akompanna debate OR. [Foto: Zevonia Vieira | 18.12.2017]

Loron Abertura Debate OR, Hetan Seguransa Masimu Hosi Parte Seguransa

Iha abertura Debate Orsamentu Retifikativu ne’ebe halao Parlamentu Nasional, loron 18/12, hetan seguransa metin hosiu Polisia Nasional Timor-Leste no Seguransa sivil.

Objetivu hosi hametin liu tan seguransa durante debate Orsamentu Retifikativu hodi bele asegura debate refere, atu labele akontese situasaun ne’ebe ema hotu la espera ou lakohi atu akontese.

Joven Feto, Nelcia Guterres Belo (20), ne’ebe partisipa iha debate Orsamentu Retifikativu, atu hatene besik klean liutan lalaok diskusaun. Ba TAFARA.TL Nelcia hatoo katak liu hosi debate ida ne’e bele responde duni preokupasaun povu nian, hodi nune’e aspirasaun povu nia ne’ebe hatoo hosi eleisaun bele responde.

“Hau mai partisipa iha nee, tanba hakarak hetan informasaun, atu akompanna debate entre governu ho opozisaun, hau nia esperansa liu hosi debate ida ne’e, liu hosi povu nia preokupasaun ne’ebe sira akompanna iha media, bele muda deputadu sira nia hanoin, hodi tau partidu iha kotuk, no sira mai iha ne’e bele responde duni povu nia nesesidade hanesan bee moos, edukasau, saude no buat sira seluk tan no Povu sira hakarak moris hakmatek. Hau espera katak deputadu sira bele hetan informasaun hosi nia povu durante sira tur iha ne’e, karik sira kumpri duni sira nia konfiansa no povu hili sira, no sira bele vota afavor ba povu nia interese povu nian”, hateten Nelsia Guterres Belo.

Nelcia mos iha esperansa boot ba parte seguransa nian ne’ebe mak marka prezensa iha Uma Fukun Parlamentu Nasional. Prezensa segurasan bele asegura diskusaun lao ho diak, no la fo presaun ba povu neebe akompanna hela direita liu hosi media. Diskusaun ne’ebe bele lao ho hakmatek no dame nia laran. Espera bele hetan seguransa ne’ebe lao dadauk iha Parlamentu Nasional lao ho diak no metin.

Iha fatin hanesan, Komunidade Sebastiao De Jesus, ne’ebe mak partisipa mos iha debate OR, ba TAFARA.TL hateten katak lideransa tenke iha hanoin ida , iha komitmentu diak no hanoin nebe diak hodi bele atende povu nia nesesidade, tanba povu agora hein hela dezenvolvimentu.

“Tuir hau nia hanoin ohin loron bele hetan rezultadu ne’ebe diak. Fatin ida ne’e mak diak liu hodi bele hetan solusaun, hodi hadia povu nia moris no nasaun ida ne’e”, tenik Sebastio

Sebastio mos apela parte segurasan atu bele fo seguransa ba ema hotu, sei la hare ba koor no ba partidu, seguransa tenke halao nia knaar ho neutru, hodi bele asegura ema hotu.

Debate Orsamentu hahu iha oras tuku 10.22 OTL, no hetan partisipasaun masimu hosi NGO Nasiona, observador internasional no nasional no jornalista sira. Seguransa sira mos halo pasta rabista ba jornalista no sosiadade sira ne’ebe mak hakarak mai partisipa iha debate OR

About Zevonia Vieira

Zevonia Vieira, Chefe Redasaun TAFARA.TL, hamutuk ho Metodio Caetano Moniz & Fernando Antonio da Costa hari media online TAFARA.TL, iha Oe-cusse, Ambeno, dia 23 de Agosto de 2015.

Check Also

MEDSOS Sai Obstaklu Ba Servisu Jurnalismu, Akara: Tenke Halo Edukasaun Sivika Konaba Internet Saudavel

“Kna’ar importante hosi jornalista professional sira atu fo informasaun ne’ebe los, kredibel ba publiku, no …

Leave a Reply

Your email address will not be published. Required fields are marked *