Thursday , May 23 2019
Home / Eleisaun Parlamentar / Lú Olo Fiar Xanana Sei La Uza Asumtu FM Iha Kampanna Politika
Prezidente da Republika hatoo deskursu iha CNE konaba PARPOL sira asina Paktu Unidade Nasional. [Foto: Maria do Ceo | 07.04.2018]

Lú Olo Fiar Xanana Sei La Uza Asumtu FM Iha Kampanna Politika

“Xanana Gusmao hatene, Prezidente da Republika la presiza afirma ba maun Xanana Gusmau, “nia hatene hela no sei la lori FM sai materia ba kampannya. Hau fiar nia sei la uza, se sira seluk mak uza prontu, mais Xanana hau fiar nia sei la uza”. Lú Olo

Kampanna eleitoral ne’ebe sei hahu ofisial iha loron 10/04, partidu politiku haat hanesan Fretilin, Parditu Demokratiku, Partidu Republikanu, PEP no , Bloku koligasaun hanesan Movimentu Sosial Demokratiku [MSD], Movimentu Dezenvolvimentu Nasional [MDN], Frente Dezenvolvimentu Demokratiku [FDD], Aliansa Mudansa ba Progresu [AMP], sei kompete hodi faan sira nia programaba eleitor sira, hodi determina votus no se mak bele ukuk.

Liga ho asumtu Fronteira Maritima [FM] nudar asumtu nasional se karik partidu sira uza ida ne’e sai materia iha kampanna politiku oinsa? Ba TAFARA.TL Prezidente da Republika, Dr. Francisco Guterres Lú Olo hateten FM laos materia atu halo kampanna.

“Diak liu interese nasaun nian, rai hela ba kotuk, ita ba deit hodi aprezenta programa partidu politiku nian, hodi bele eskolha, mais se atu ba koalia fali kona ba Fronteira Maritima, entaun partidu seluk mos bele iha direitu hatoo resposta konaba asumtu ida ne’e. Hau husu bebeik ba partidu politiku sira labele uza asumtu fronteira maritima”, hateten Lú Olo

Lú Olo afirma liutan katak Xanana Gusmao hatene, Prezidente da Republika la presiza afirma ba maun Xanana Gusmau, “nia hatene hela no sei la lori FM sai materia ba kampannya. Hau fiar nia sei la uza, se sira seluk mak uza prontu, mais Xanana hau fiar nia sei la uza”.

Eleisan antesipada [EA] hamosu preokupasaun oin-oin hosi komunidade liga ho violensia ka konflitu ne’ebe karik akontese. Ba TAFARA.TL Prezidente da Republika, Dr. Francisco Guterres Lú Olo, hateten fiar metin ba partidu politiku sira, sei la halo violensia, tanba sira nia objetivu para atu ba hatoo sira nia program aba iha populasaun, atu halo eskolha demokratika, “hau fiar metin sira sei la halo violensia para atu too iha poder, maibe sira husik ba povu atu eskolha se mak bele no se mak la bele”.

Hatutan perguntas hosi TAFARA.TL, Iha CNE, hafoin remata asina Paktu Unidade Nasional hosi partidu politiku no bloku koligasaun, 07/04, ema balun sei uza Frente tolu hanesan Frente Diplomatika, Klandestina no Frente Armada, uza ida ne’e hodi insulta malu nafatin, hanesan Xefe Estadu saida mak tenke hatoo durnte iha kampanna eleitoral?

Lú Olo hateten fiar metin katak lider sira hatene hela sira nia istoria hosi rezistensia armada, klandestina to frente diplomatika ne’e ida deit, tanbasa tenke ba fahe istoria ne’e.

Partidu politiku no bloku hamutuk walu mak sei kompete iha eleisaun antesipada parlamentar 2018. Tuir komprimisiu ne’ebe sira asina ona iha CNE, katak nafatin unidade no la hamosu konfrotasaun entre sira. * [ Zevonia Vieira | TAFARA.TL | 07.04.2018]

About Zevonia Vieira

Zevonia Vieira, Chefe Redasaun TAFARA.TL, hamutuk ho Metodio Caetano Moniz & Fernando Antonio da Costa hari media online TAFARA.TL, iha Oe-cusse, Ambeno, dia 23 de Agosto de 2015.

Check Also

PR Sei Estuda Lista Membrus Governu, Lú Olo: Hakarak Garante Bem Estar Do Estado

“Prezidente da Republika sei estuda hela, se to loron ida kazu hosi A ka B …

Leave a Reply

Your email address will not be published. Required fields are marked *