Saturday , April 20 2019
Home / Sosial & Politika / Lú Olo Fo Fiar Ba Povu Atu Hakmatek, Bainhira Deputadu Sira Tetu Programa Governu
Prezidente da Republika, Dr. Francisco Guterres Lú Olo hatoo mesajen povu Tomak .[Foto: Media gabinete Prezidente da Republika].

Lú Olo Fo Fiar Ba Povu Atu Hakmatek, Bainhira Deputadu Sira Tetu Programa Governu

Prezidente Lú Olo fo fiar ba povu, liu-liu joven sira atu tuur hakmatek nafatin bainhira deputadu sira tetu programa mai hosi governu atu hadia moris diak.

Prezidente da Republika, Francisco Guterres Lú Olo, hatoo lia menon ba povu Timor-Leste.

Iha Lú Olo nia lia menon hateten katak  hanesan kompromisiu ne’ebe promete ba povu tomak, iha loron tomada de pose, iha loron 20/05, katak sei kesi an metin ba komprimisu sira ne’e ho respeitu tomak ba Konstituisaun Timor-Leste.

“Hau nia kompromisiu sira, buat ne’ebe hau promtete ba povu tomak, iha loron tomada de pose, nudar Prezidente Republika, iha loron 20 Maiu 2017. Durante hau nia mandate hau sei kesi hau nia an metin ba kompromisiu sira ne’e ho respeitu tomak ba konstituisaun Timor-Leste nian”, hateten Lú Olo.

Lú Olo informa tan katak, Konstituisaun tau as tebes Timor nia riku soin iha ho valor as liu, iha rai ida ne’e.. Rikusoin as liu ne’e, mak maluk sira duni, “ita hotu, feto ka mane, katuas ka ferik ka klosan, ho fiar no kbiit ne’ebe deit, hosi aldeia ne’ebe deit, iha Timor-Leste tomak, tanba respeitu ba povu ida ne’e mak mak ita nia konstituisaun fo dalan ba ita hotu, ho otas 17 ba leten, partisipa iha eleitora boot rua tinan lima.

Lú Olo liu hosi nia lia menon hateten katak iha eleisaun ikus liu, laiha partidu ida manan boot liu, hosi povu nia votus, atu ukun mesak, tinan lima tuir mai. Nune’e povu husu no hein partidu lima ne’e fo liman ba malu, katak responsabilidade partidu idak-idak nian,. Laos kompotensia Prezidente Republika atu hadia, oinsa partidu sir fo liman ba malu.

“Nudar Xefe Estadu, hau iha deit dever atu rona no fo apoiu, tuir hau nia kompetensia konstituisional. Hau iha dever atu ajuda partidu sira habelar espiritu toleransia no unidade nasional, hametina paz no estabilidade no garante respeitu ba ita nia konstituisaun”, hateten Lù Olo.

Hafoin hala’o dialogu ketak-ketak ho lider partidu sira hotu, Lú Olo ho laran kontente tanba rona no simu ho laran haksolok katak partidu ida-idak hakarak atu kontribui ba paz no estabilidade. Partidu hotu hakarak fo liman ba malu atu haburas Timor-Leste, no hadia povu nia moris ohin loron no ba

Eis Prezidente Parlamenu Nasional ne’e mos afirma katak, iha prosesu tomak to’o loron tomada de pose ba membru VII Governu, partidu opozisaun sira hatudu maturidade politika no fo sentidu estadu bainhira hatete katak sei halo opozisaun construtiva. Ho hanoin ida katak opozisaun sira sei hatoo proposta atu hadia governansia, atu hadiak liutan moris diak ba Povu Timor.

Prezidente Lú Olo mos fo fiar ba povu, liu-liu joven sira atu tuur hakmatek nafatin bainhira deputadu sira tetu programa mai hosi governu atu hadia moris diak.* [Zevonia Vieira | TAFARA.TL | 10.10.2017].

About Zevonia Vieira

Zevonia Vieira, Chefe Redasaun TAFARA.TL, hamutuk ho Metodio Caetano Moniz & Fernando Antonio da Costa hari media online TAFARA.TL, iha Oe-cusse, Ambeno, dia 23 de Agosto de 2015.

Check Also

Bankada Fretilin Sauda no Respeita PR nia Desizaun Promulga OJE 2019

Relasiona ho Prezidente da Republika, Francisco Guterres Lú Olo promulga Orsamentu Jeral Estadu [OJE] 2019, …

Leave a Reply

Your email address will not be published. Required fields are marked *