Wednesday , June 19 2019
Home / Eleisaun Parlamentar / Lu Olo: Hau Prontu Servisu Ho Partidu Ne’ebe Deit Mak Manan
Presidente RDTL Dr. Francisco Guterres “Lu Olo”, Iha Centru Votasaun Eskola Primaria Farol.[Foto: Zevonia Vieira | TAFARA.TL | 22.07.2017].

Lu Olo: Hau Prontu Servisu Ho Partidu Ne’ebe Deit Mak Manan

Premeiraves hau la tuir kampanna, tanba agora hau hanesan prezidente da Republika, hau sai Prezidente ba povu, la bele mete kampanna no partidu atu nune labele hamosu konatasaun politika.

Prezidente Republika Timor-Leste, Dr. Francisco Guterres “Lu Olo”, ejerse nian direitu nudar sidadaun Timor hodi tuir elisaun iha loron 22/07, ba jornalista TAFARA.TL hateten katak povu Timor, partidus politiku, direjente no militantes hatudu ona sira nian prova hodi mantein paz no estabilidade durante kampanna fulan ida nia laran.

“Ohin loron votasaun hau fiar katak povu tomak, sei garantia paz no estabilidade no sei lori ba iha urnas, para atu bele ejerse sira nian direitu, hodi hili partidu politiku ne’ebe atu ba forma governu no tur iha parlamentu. Hau orgullu boot ba povu tanba bele projeta imajen diak iha mundu internasional katak iha maturidade politiku ne’ebe mak as”, Esplika Prezidente Lu Olo.

Prezidente Lu Olo reafirma liutan katak, hanesan Prezidente Republika, nudar prezideten ba povu tomak, no sei evita iha ba iha kampanna politiku nian.

“Naturalmente hau nian komprimisiu ne’ebe hau hato’o ona, hau kontinua kaer metin hau nia lia fuan, hodi hato’o ba povu tomak no povu sei fiar bele kumpri nafatin. Ba tinan ida premeiraves hau la tuir kampanna, tanba agora dadauk hau hanesan prezidente da Republika katak hau sai Prezidente ba povu tomak, entaun hau evita atu la tuir kampanha tanba hau prezident ba povu tomak, la bele mete kampanha no partidu atu nune labele hamosu konatasaun politika”, Hateten Lu Olo

Komunidade Eujenia Pereira (43) ne’ebe mak ejerse ona nian direitu hodi hili tuir konsensia. Ba TAFARA.TL Eujenian hateten, espera votus ne’ebe hau fo iha valor duni hodi nune’e partidu ne’ebe manan bele implementa duni programa ne’ebe importante ba povu hodi sai husi mukit.

“Hau vota ona, no hau kontente ho votus ne’ebe hau fo, hau nian esperansa ba partidu ne’ebe sei manan la haluha sira nian promesa tanba problema barak mak sei mosu no sei presija resolve”, hateten Eujenia.

Maluk ho difisiensia, Cristovao (21), maske difisiente maibe ho espiritu boot no hanesan joven, Cristovao ejerse duni nian dirietu, iha eskolah Farol. Ba jornalista TAFARA.TL Cristovao hateten, hau hakarak partidu ne’ebe manan bele halo duni mudansa ne’ebe diak mai ami hanesan difisiente.

“Hau vota tanba hau vota ba hau nian future, maske hau difisiente ain maibe la impede hau nian dalan hodi fo hau nian votus. Importante sira nebe’e mak manan karik bele halo tuir promesa ne’ebe mak sira koalia ona”, tenik Cristovao bainhira hasoru tur hela iha kadera rod aba ema difisiente.

Ba jornalista tomak, iha sentru votasaun eskolah Primaria Farol Dili, iha oras tuku 8:00 dader, Prezidente Lu Olo hateten prontu nafatin hodi servisu ho governu foun, ne’ebe mak povu hili ona, partidu ne’ebe deit mak manan, Prezidente republika sei kopera nafatin hodi servi povu.

Tuir observasaun jornalista TAFARA.TL bainhira Prezidente Republika atu tama iha sentru votasaun , polling staff sira husu ba Prezidente Republika atu bele rai telephone iha liur antes ba simu bulletin de votus, tanba tuir regulamentu votante sira tenke respeita no la lori telephone hodi tama ba iha urnas.

Sentru votasaun eskolah Farol hetan observasuan hosi CNE, STAE no observasaun internasional no hetan seguransa masimu hosi PNTL.* [ Zevonia Vieira | TAFARA.TL| 22.07.2017].

About Zevonia Vieira

Zevonia Vieira, Chefe Redasaun TAFARA.TL, hamutuk ho Metodio Caetano Moniz & Fernando Antonio da Costa hari media online TAFARA.TL, iha Oe-cusse, Ambeno, dia 23 de Agosto de 2015.

Check Also

PR Sei Estuda Lista Membrus Governu, Lú Olo: Hakarak Garante Bem Estar Do Estado

“Prezidente da Republika sei estuda hela, se to loron ida kazu hosi A ka B …

Leave a Reply

Your email address will not be published. Required fields are marked *