Saturday , July 21 2018
Home / Sosial & Politika / Lú Olo: Hau Sauda Lider 75 Sira hotu Nia Karakter, Folin boot no Esperitu Tuba Rai Metin
Presidente RDTL Dr. Francisco Lu Olo halo pasarevista ba formatura parada komemorasaun 42 proclamasaun Independensia RDTL.[Foto: Zinho MD | TAFARA.TL | 28.11.2017].

Lú Olo: Hau Sauda Lider 75 Sira hotu Nia Karakter, Folin boot no Esperitu Tuba Rai Metin

“Lider 75 nain rua ne’e Mari Alkatiri no Jose Ramos Horta servisu iha Frente Externa no tane a’as Timor Leste nia naran, povu tomak no funu nain sira hotu, servisu frente externa mak halakon ita nia izolamentu”, Lú Olo.

Timor-Leste komemora loron proklamsaun independensia ba dala 42, iha tinan ida ne’e governu komemora hamutuk komunidade sira iha Municipio Cova lima. Povu tomak hatene katak Covalima mos sai nudar istoria ne’ebe hakanek komunidade sira nia fuan iha tinan 1999, ne’ebe konnesidu ho naran Septembru negra.

Prezidente da Republika, Dr. Francisco Guterres Lú Olo hatoo nia diskursu iha isar bandeira iha muncipio refere, loron 28/11 ba partisipantes tomak hateten katak hakruk ba ema hotu ne’ebe mak sakrifika an ba rai ida ne’e, balu fo isin no mate ba Rai ida ne’e

Iha loron espesial ida ne’e hau halibur iha hau nia ne’on, maun bin alin sira hotu hela iha rai laran no rai liur, hau hakruk ba memoria a’aswain no martir sira 1975 niqn. Hau hakruk mos ba maluk hotu ne’ebe sakrifika’an , fo a’an ba mate ka terus durante ita nia luta durante tinan 24, hau hakruk mos ba memoria saudozu Nicolau Lobato, Fransisco Savier do Amaral, Nino Konis Santana no diresaun luta tomak. Hau saude lider 75 sira hotu ninia karakter no folin boot no esperitu tuba rai metin, inkui hau nia irmaun doben Rui, Mari Alkatiri no Jose Ramos Horta,” dehan Lu-olo.

Presidente RDTL ne’e mos rekoñese lider hirak ne’ebe mak servisu iha frente diaspora hodi luta ba ukun a’an ida ne’e.

“Hatuir orientasaun saudozu Nicilau Lobato no ikus mai hau nia irmaun doben Kayrala Xanana Gusmão, lider 75 nain rua ne’e Mari Alkatiri no Jose Ramos Horta servisu iha Frente Externa no tane a’as Timor Leste nia naran, povu tomak no funu nain sira hotu, servisu frente externa mak halakon ita nia izolamentu durante ita nia luta ba ukun rasik an”, katak Xefe Estadu.

Nune’e mos iha fatin hanesan jornalista TAFARA.TL dada lia ho veteranu Joao da Silva Jalo ho naran kodigu ‘Papa maek’  hatete historia balun ne’e mak akontese iha momentu ne’eba, bainhira akontese 28 Novembru 1975, komite sentral da FRETILIN proklama ninia indepedensia unilateral husi Presidente RDTL Primeiru Fransisco Xavierdo  Amaral, no vice Prezidente Nicolau dos Reiz Lobato.

Veteran ne’e mos iha esperansa ba governu atu fo valor ba ema hotu ne’ebe mak fo a’an ba mate, hodi Timor hetan ukun rasik a’an, tanba ukun a’an ne’e ema barak mate, laos ema tau iha bandeza mak fo mai ita.

Ita iha esperansa ema hirak e’ebe mak mate ba ukun rasik a’an ida ne’e, ukun rasik a’an ida ne’e laos ema tau iha bandeza mak fo mai ita deit, maibe ukun rasik a’an ida ne’e sosa ho ruin no ran, liu husi karefisiu eroi no martires sira nian, tanba nee ita nia esperansa eroi sira ne’e tenki fo valor I interese h liu liu ita mak ita hasai povu ida ne’e husi kiak no mukit liu husi ita nia dezenvolvimentu nasional, maibe preesija ita nia ider sira servisu hamutuk tebki rona malu fiar malu hodi hamutuk ita bele”, hatete João.

Tuir Observasaun Jornaista TAFARA.TL hodi komemora loron proklamasaun ba dala 42 iha Covalima, komunidade sira anima ho feira, dada tali, sae bua, halao karun, drum band, karaoke, style motor.

Iha loron proklamasaun partisipa direitamente hosi Prezidente da Republika, Presidente Parlamentu Nasional, membru Parlamentu Nasional, Presidente Tribunal Rekursu, Premeiru Ministru, Membru Governu no komunidade Covalima.* [Bebiana Soares| TAFARA.TL | Editor: Zevonia Vieira | 28.11.2017].

About Bebiana Soares

Bebiana Soares, Jornalista TAFARA.TL, ativu desde tinan 2015, no mos nudar membru Asosiasaun Alumni Parlamentu Foinsa'e Timor-Leste (APFTL). 🇹🇱

Check Also

Governu Hato’o Pedidu 140 Milloens ba Parlamentu Nasional Hodi Responde ba Situasaun Atual

Relasiona ho liquides estadu ka orsamentu estadu laiha, VIII Governu Konstitusional atraves Konsellu Ministrus ohin …

Leave a Reply

Your email address will not be published. Required fields are marked *