Sunday , June 24 2018
Home / Sosial & Politika / Luis: KHUNTO Prontu Tun Ba Baze Hodi Mobiliza Militantes, Fidelis: Povu Sei La Husik PLP
Prezidente Bankada KHUNTO, PLP no CNRT iha Palacio Prezidensia. [Foto: Zevonia Vieira | 18.01.2018]

Luis: KHUNTO Prontu Tun Ba Baze Hodi Mobiliza Militantes, Fidelis: Povu Sei La Husik PLP

Prezidente da Republika, Dr. Francisco Guterres Lú Olo, bainhira deklara katak fo fila fali ba povu hodi vota iha elisaun antesipada.

Liu hosi deklarasaun refere TAFAR.TL halo entrevista ho partidu KHUNTO liga ho desizaun ikus hosi Prezidente da Republika, iha palacio prezidensia, 26/01 Xefe Bankada KHUNTO, Luis Roberto da Silva katak hare ba empase politiku iha rai laran ne’ebe lao hela, hosi KHUNTO prontu nafatin no kumpri nafatin desizaun ne’ebe fo sai ona hosi Prezidente da Republika.

“KHUNTO prontu atu tun ba baze, hodi mobiliza nafatin militantes sira iha fatin hotu, hodi kumpri nafatin desizaun ne’ebe Prezidente foti ona”, hateten Luis.

Hosi parte PLP nian, Xefe Bankada Prezidente PLP, Fidelis Magalhaes ba TAFARA.TL katak AMP prontu no sempre hamutuk no hamutuk antes tiha ona, “ami sei desidi iha tempu hamutuk, atu lao iha kampanna ou lae, maibe imi hatene ami sempre hamutuk , ne’ebe ami sei solidu liutan”.

Hatan ba TAFARA.TL liga ho desizaun ikus hosi Prezidente da Republika katak hakat ba elisaun antesipada?

Fidelis responde katak, desizaun ne’e prevista tiha ona katak desizaun sai hanesan ne’e, “ita hotu fila fali ba povu, hodi prepara an diak liutan para depois no koalia fali ba povu no sekarik povu sei fo fiar ba partidu sira ka sei fiar ami ka lae. Hau fiar katak povu sempre fo konfiansa, ida ne’e vida demokrasia iha Timor-Leste. Povu sei la husik PLP, se uluk hahu mos hetan konfiansa votus, sa tan agora politika durante ne’e , bainhira kaer metin ba valores demokratiku no Konstituisaun”.*[Zevonia Vieira | TAFARA.TL | 26.01.2018]

About Zevonia Vieira

Zevonia Vieira, Chefe Redasaun TAFARA.TL, hamutuk ho Metodio Caetano Moniz & Fernando Antonio da Costa hari media online TAFARA.TL, iha Oe-cusse, Ambeno, dia 23 de Agosto de 2015.

Check Also

Sistema Online Iha Klinika Becora, Fasilita Inan Isin Rua Sira

Saude nudar seitor importante iha ema ida nian moris, ho saúde ne’ebe diak sei salva …

Leave a Reply

Your email address will not be published. Required fields are marked *