Friday , September 21 2018
Home / Sosial & Politika / Maluk Ho Difisiensia Sira, Rai Hela Esperansa Boot Ba PARPOL Iha EA
Maluk ho difisiensia sira halao atividade. [Foto: Media Suara Timor-Leste]

Maluk Ho Difisiensia Sira, Rai Hela Esperansa Boot Ba PARPOL Iha EA

Ema ho difisiensia sira, nudar Timor oan ne’ebe iha direitu no asesu hanesan tuir Konstituisaun haruka, iha esperansa boot ba partidu politku sira ne’ebe sei manan iha eleisaun antesipada, bele fo importansia ba problema ne’ebe mak sira hasoru.

Maluk ho difisiensia matan, Jusinho Freitas ho esperansa boot hatoo katak hanesan ema ho difisiensia hakarak husu ba lider politiku sira, lalika fo asaun negativu ba povu sira, atu halo povu sira moris la hakmatek, “ami husu sira para tur hamutuk, hodi resolve povu nia nesesidade. Partidu ida ne’ebe mak manan iha EA, tenke tau importansia ba ema ho difisiensia, karik bele tun ba iha instituisaun sira ne’ebe relevante ho ema difisiensia, atu nune bele resolve hela problema ema ho difiisiensian sira nian”.

Jusinho klarifika katak, liga h dezenvolvimentu insfrastrutura presiza harii infrastrutura ba maluk ho difisiensia sira ho tipu ne’ebe la hanesan, tenke halo trotoar ne’ebe difisiensia sira bele uza ho fasil, hodi bele halo movimentu ho seguru

Iha fatin hanesan Carolina Da Silva [19] difisiensia Matan, ho esperansa boot hanesan sidadaun, la presiza iha konflitu, rona malu, “ami presiZa ita bot sira nia tulun, liu-liu tenke dame malu, sekarik ukun, tenke ukun povu hotu no ukun ho hadomi”.

Entertantu disifiensia ain Venansio Soares Belo (27), konfesa katak liu hosi eleisuan antesipada, sei hili lideransa ne’ebe diak. Venansio sente la kontente ho situasaun politika ne’ebe mak akontese, tanba votu ne’ebe fo ona iha tinan kotuk, lider politiku sira la respeita votus ida ne’e, ho nune’e Prezidente da Republika fo fila fali ba povu, hodi ba vota fila fali.

Ami hanesan difisiensia, ami la sadere ba partidu ida maibe hakarak kualker partidu ida ne’ebe ukun hodi dezenvolv ita nia rai, ami lakohi para atu terus, labele atrapalha ba povu sira ne’ebe mak halo negosiasaun iha dalan sai terus tan ,hanesan tinan hirak liu ba”, tenik Venansio

Hanoin hanesan ms hosi Loepoldinho Correa Mesquita, ne’ebe moris hanesan difisiensia, la ezizi buat boot ba ukun nain sira, maibe Leopoldinho husu deit ba lideransa sira, bainhira manan tenke hateke tun mai povu, hodi hare povu nia moris, tanba povu mak hili sira.

Ami husu atu governu tau matan ba ami, tamba ema ho difisiensia iha tTmor mos barak no loke eskola ba difisiente sira, ita hare realidade barak mak difisiente sira halo, tamba ne’e mak eskola laos deit ba ema sira ho kondisaun diak, maibe mos ba ema ho difisienti sira mos”.

Hanesna mos maluk ho difiensia, Aurelia Araujo Amaral, iha hanoin katak eleisaun antesipada tenke lao ho diak, atu nune’e bele halao atividade hanesan babain, liu-liu ba maluk difisiensira atu sente seguru liu iha situasaun ne’ebe hakmatek.

Buat ruma akontese ami labele halai, tamba kondisaun hanesan hotu, karik partidu ruma manan tau ba matan ba ami difisiente sira, loke eskola tamba ho eskola mak sei determina ami nia futuru, ami hatene katak ami difisienti mos bele hanesan ema sira ne’ebe ho kondisaun normal”, hateten Aurelia

Povu tomak iha esperansa ne’ebe furak, atu halo rai doben ida ne’e sai murak, tuir mehi hosi ukun rasik an iha tempu funu. Bainhira lider sira hamutuk, no laiha viganza ba malu, povu sei sente rai ida nia furak, no sei modelnu ba nasaun sira seluk. Povu hakarak ida deit, dezenvolvimentu lao ho kualidade, atu povu mos moris ho kualidade..*[Henrique S. De Jesus | Editor: Zevonia Vieira | TAFARA.TL | 16.02.2018]

About Henrique Soares de Jesus

Check Also

Lú Olo: Estadu Tenke Halo Knaar Importante Ba Ekonomia, Presiza garante Bens no servisu Publikus

“Estadu tenke haree oinsa mak bele asegura finansiamentu ba despeza públika liu hosi reseitas hosi …

Leave a Reply

Your email address will not be published. Required fields are marked *