Saturday , November 17 2018
Home / Sosial & Politika / Manuel: Akordu Extradisaun Ho Portugal Ba Kazu EP Seidauk Sai Prioridade, Babo: Kestaun Politika no Legal
Eiz Ministra Finansas Emilia Pires. [Foto: copyright Sapo TL | 06.09.2018]

Manuel: Akordu Extradisaun Ho Portugal Ba Kazu EP Seidauk Sai Prioridade, Babo: Kestaun Politika no Legal

“Emilia Pires [EP] mos sidadaun Portugues, tanba ne’e atu besik nia mos tenke iha aprosimasaun ida. Hau hanoin nasaun ida susar atu husik nia sidadaun ida atu tuir prosesu ida iha rai seluk”. Dionisio Babo

Kazu eiz Ministra Finansas Emilia Pires, sei sai hanesan preokupasaun estadu Timor. Hatan ba kestaun ida ne’e, Ministru Justisa, Dr. Manuel Carceres ba jornalsta sira, iha debate Orsamentu Jeral Estadu 2018, iha uma fukun parlamentu nasioanal hateten atu rezolve kazu Emilia Pires, estadu Timor-Leste presiza halo akordu extradisaun ida ho nasaun Portugal ,hodi bele lori Emilia Pires fila mai Timor-Leste, hodi tuir prosesu julgamentu.

Ministru Manuel informa katak estadu bele iha inisiativa ba halo akordu refere, maibe depende mos ho nasaun ne’ebe mak ita hakrak atu halo.

Hatan ba TAFARA.TL konaba esforsu saida mak Ministeriu Justisa halo, hodi iha akordu extradisaun ne’e? Ministru Justisa hatan katak akordu extradisaun ne’e seidauk sai prioridade.

“Ita sei dauk halo tamba ita ita hare’e prioridade ita nia rai laran sira ne’e hotu tiha, depois mak ita halo akordu sira ne’e”, hateten Manuel, 05/09

Iha parte seluk Eis Ministru Justisa no atual Ministru Negocso Estranjeiru no Koperasaun [MNEK], Deonisio Babo ba jornalista sira esplika katak atu lori Emilia Pires fila mai iha buat rua, kuestaun Politik no legal.

Babo hateten kestaun politika labele haluha katak Emilia Pires mos sidadaun Portugues, tanba ne’e atu besik nia mos tenke iha aprosimasaun ida, “hau hanoin nasaun ida susar atu husik nia sidadaun ida atu tuir prosesu ida iha rai seluk”.

“Koordenasaun ita halao nafatin Justisa para hare’e tok posibilidade saida mak ita bele halo. Ita labele kahur buat rua. Ida kestaun legal, ida kestaun politika. Deputadu sira koalia ne’e kuestaun politika ,ne’e ita respeita mais agora prosedimentu legais ne’ebe ita tenke halo tuir ne’e, ita tenke lao tuir nia dalan”, hatutan Deonizio.

Entretantu hosi bankada opozisaun partidu Fretilin, Deputadu Marto Mota iha intervensaun katak tenke lori Eiz Ministra Finansas Emilia Pires mai Timor-Leste. * [ Jesuino Marcal de Jesus | Editor: Zevonia Vieira | TAFARA.TL | 06.

 

About Jesuino Marcal de Jesus

Jesuino Marcal de Jesus, Jornalista, Webmaster no mos nudar Business Manager TAFARA.TL.

Check Also

Lú Olo: Juventude La Hakarak Promesas no Hakribi Atitude Koruptu

Hau fiar katak joven sira iha talentu atu hamosu no habelar idea foun no tau …

Leave a Reply

Your email address will not be published. Required fields are marked *