Thursday , May 23 2019
Home / Sosial & Politika / Marí: 28 Novembru ONU Rekonnese ka lae, Depende ba Membru ONU, Tuir Taktika Luta nian.
Premeiru Ministru, Dr. Marí Alkatiri halo entrevista ho jornalista iha Palacio Prezidensia, Bairo Pitte [Foto: Zevonia Vieira | 30.11.2017]

Marí: 28 Novembru ONU Rekonnese ka lae, Depende ba Membru ONU, Tuir Taktika Luta nian.

“Ami rasik iha liur hanoin, diak liu kaer ba estatutu Portugal, hanesan potensia administrante, ne’e signifika katak Indonesia mos labele husu ba Nasoens Unidas hodi rekonnese integrasaun”. Marí Alkatiri

Premeiru Ministru, Dr. Marí Alkatiri hasoru malu ho Prezidente da Republika, Dr. Franciso Guterres Lú Olo, hodi apresenta situasaun atual ohin loron nian.

Hafoin remata enkontru ba jornalista sira Premeiru Ministru hateten katak mai hasoru Prezidente da Republika atu koalia ba oin ne’e atu halo saida, maibe sedauk bele hatoo ba jornalista sira rezultadu enkontru.

Hatan ba perguntas TAFARA.TL liga ho opiniaun publiku no sai iha rede social liga loron proklamasaun independensia unilateral ne’ebe la hetan rekonnese hosi ONU? Marí esplika katak hela iha Timor-Leste, rai independensia tenke rekonnese loron Proklamasaun 28 do Novembru.

“Hotu-hotu hahu hosi ne’eba, proklamasuan da independensia ne’e la halo nar-naran. Halo no prontu atu hasoru risku hotu-hotu, ne’e mak dehan mate ka moris ukun rasik an”, esplika Marí

Sekretariu Jeral Fretilin ne’e haklean liutan katak, Nasoen Unidas rekonnese ka la rekonnese ne’e depende ba membru Nasoens Unidas, tuir taktika luta nian.

“Ami rasik iha liur hanoin, diak liu kaer ba estatutu Portugal, hanesan potensia administrante, ne’e signifika katak Indonesia mos labele husu ba Nasoens Unidas hodi rekonnese integrasaun, ida ne’e taktika. Iha gerilia mos iha taktika e stratejika no iha diplomasia mos iha taktika e estratejika. Objetivu hosi estratejika atu restaura independensia. Taktikamente ami servisu ho Portugal, para bele defende estatutu ida dehan, Timor-Leste sei nafatin iha Portugal nia okos”. Esplika Marí

Liga ho elisaun antisipa hamosu opiniaun publiku balun mensiona katak Premeiru Ministru hateten osan ba eliasaun antisipa iha maibe iha parte seluk liu hosi osan retifikativu estadu tenke selu divida sira?

Hatan ba preokupasuan ida ne’e, Premeiru Minsitru klarifika katak hotu-hotu hatene katak osan sei iha. Elisaun antisipada laos osan hanesan ho dividas $200 ital Milloens.

“La presiza osan $200 ital milloens para atu halo elisaun antisipada, lalika kahur ba mai. Elisaun antisipada para atu Fretilin manan mutlak para atu kontrola rai ida ne’e”, hateten Marí.*[Zevonia Vieira | TAFARA.TL | 30.11.2017]

About Zevonia Vieira

Zevonia Vieira, Chefe Redasaun TAFARA.TL, hamutuk ho Metodio Caetano Moniz & Fernando Antonio da Costa hari media online TAFARA.TL, iha Oe-cusse, Ambeno, dia 23 de Agosto de 2015.

Check Also

MEDSOS Sai Obstaklu Ba Servisu Jurnalismu, Akara: Tenke Halo Edukasaun Sivika Konaba Internet Saudavel

“Kna’ar importante hosi jornalista professional sira atu fo informasaun ne’ebe los, kredibel ba publiku, no …

Leave a Reply

Your email address will not be published. Required fields are marked *