Wednesday , June 19 2019
Home / Eleisaun Parlamentar / Mari Alkatiri: Fo Prioridade Resolve Bee Moos no Eletrisidade
Sekretariu Jeral (Sekjer) Partidu FRETIL, Mari Alkatiri loke kampanha dahuluk iha Munisipiu Liquisa. [Foto: MD Zinho | TAFARA.TL | 20.06.2017].

Mari Alkatiri: Fo Prioridade Resolve Bee Moos no Eletrisidade

Municipiu Dili, Suku 8, Aldeai 17 no Uma kain 3,413 mak seidauk asesu bee moos. Mesmu sira balun  hetan ona kanalizasaun bee moos, maibe sira tenke haka’as-an hodi buka osan selu bee moos.

Sekretariu Jeral partidu Fretilin, Dr.Mari Alkatiri hato’o komprimisu politiku katak Fretilin fila ba ukun, sei fo prioridade ba eletrisidade, liu-liu bee moos tanba sei falta barak, agora povo presija bee moos, bainhira iha electrisidade, fasil liu atu rezolve problema bee moos.

Iha parte seluk mos jornalista TAFARA.TL, dada lia ho komunidade Lurdes de Oliveira (30), hela iha Tasi Tolu, ne’ebé maka loron-loron halo atividade domestika nian, hateten governu seidauk halo buat barak, tanba rai ne’ebé hela nu’udar rai estadu  nian

“To agora ami seidauk rona rezultadu sai ga la sai, hosi rai estadu ida ne’e. Dala ruma hasoru anin ho udan, uma ne anin sobu tiha. Eletrisidade dada ona,falta bee moos mak seidauk, ami povo ki’ik sira ne sumbang osan hamutuk oituan, hodi dada bee ne’e to’o iha leten de’it no la konsege tama iha idak-idak nia uma. Espera partidu ne’ebé manan bele ajuda bee moos no hadi estrada ho didi’ak”, tenik Lurdes.

Komunidade Jose Pereira ba jornalista TAFARA.TL, katak importante liu mak se karik partidu ne’ebé sei ukun,  bele halo infrastrutura iha suku-suku, liu-liu bee moos, tanba durante ne’e komunidade iha Tasi Tolu la asesu bee moos.

Situasaun infrastrutura baziku hanesan estrada, saude, no bee moos, seidauk iha area suku no aldeia. Bee moos nu’udar komponenti ida ne’ebé importante tebes ba ema nia moris, tanba maioria 70% komponenti sira iha ita nia isin, kontein bee barak liu.

Tuir dadus hosi relatoriu annual Assosiasaun Hak 2016, hatudu katak iha Municipiu Dili, Suku 8, Aldeai 17 no Uma kain 3,413 mak seidauk asesu bee moos. Mesmu sira balun ne’ebé mak hetan ona kanalizasaun bee moos, maibe sira tenke haka’as-an hodi buka osan selu bee moos. Uma kain sira mak selu bee moos, kada fulan sira bele selu to’o USD 100  kada uma kain.

Kampanha partidu politiku Fretilin, ne’ebe hala’o iha loron 19/07, iha Tasi Tolu lao ho hakmatek, tanba hetan observasaun husi CNE, PDHJ no seguransa husi F-FDTL ho PNTL.*[Virginia Pereira |Contributor TAFARA.TL |Editor: Zevonia Vieira |19.07.2017]

About Virginia Pereira

Check Also

PR Sei Estuda Lista Membrus Governu, Lú Olo: Hakarak Garante Bem Estar Do Estado

“Prezidente da Republika sei estuda hela, se to loron ida kazu hosi A ka B …

Leave a Reply

Your email address will not be published. Required fields are marked *