Monday , March 25 2019
Home / Sosial & Politika / Mari Alkatiri: Governo Ida Ne’e Sei La Monu, Hau Garante
Primeiru Ministru halo konferensia imprense ho Jornalista hafoin tun husi Aviaun Sriwijaya Air.[Foto: Zinho MD | TAFARA.TL | 06.11.2017].

Mari Alkatiri: Governo Ida Ne’e Sei La Monu, Hau Garante

Hare’e ba situasaun politika ne’ebe oras ne’e lao, VII Governo kontinua halao serbisu ne’ebe tuir sira nia mandatu iha maske Governo minoria.

Iha entrevista ho Premeiru Ministru, Dr. Marí Alkatiri, bainhira fila hosi Australia hodi partisipa konferensia internasional, iha Aero Portu Prezidente Nicolau Lobato, Comoro Dili, iha loron 6/11 ba jornalista hateten katak VII Governu sei la monu.

“Governo ida ne’e sei ukun nasaun ne’e to tinan lima ou to eleisaun antisipada, governu ida ne’e sei la monu. Governu ida sei iha posibilidade dala ida tan hodi aprezenta programa Governu tuir mandatu konstituisaun nian iha Parlamento Nasional”, hateten Mari.

Mari Alkatiri mos informa katak hetan konvite hosi Prezidente RDTL kona ba atu halo dialogu, “hau simu ona konvite husi Presidente RDTL hodi halo dialogu no hau prontu, to’o agora hau sempre pronto, hau nunka halai husi koalia”, dehan Mari.

Entertanto iha konferensia partidu CNRT nian, iha diskursu husi Presidente PLP, Taur Matan Ruak hateten rona Fretilin koalia konaba Eleisaun Antisipada, maibe sei la garante Fretilin sei hetan to 33 kadeiras.

“Hau mos rona katak Fretilin koalia barak los konaba eleisoens antisipada, hau hakarak aproveita hateten ba ita nia Nai Presidente katak hau la garante karik eleisoens antisipada Fretilin bele hetan 33 kadeiras, I karik iha eleisoens antisipada dala ruma PD mai tan tiha, ne’ebe hau hanoin se mak dehan ita ba eleisaun antisipada ne’e, ita lakon ita nia tempu. Dalan diak agora maka fo ba Segundo mais votadu I segundu mais votadu iha kapasidade asegura estabilidade governativa iha prosimu cinco anos I liu iha fase ida krusial ba ita nia nasaun, importante ba ita nia nasaun”, hateten Taur Matan Ruak.* [Jesuino Marcal de Jesus | TAFARA.TL | Editor: Maria Zevonia | 06.11.2017].

About Jesuino Marcal de Jesus

Jesuino Marcal de Jesus, Jornalista, Webmaster no mos nudar Business Manager TAFARA.TL.

Check Also

Prezidente da Republika Promulga OJE 2019

Prezidente da Repúblika, Dr. Francisco Guterres Lú Olo, ohin, promulga Lei N. 5/V-Orsamentu Jerál Estadu …

Leave a Reply

Your email address will not be published. Required fields are marked *