Mari Alkatiri ho Taur Matan Ruak Halo Diskusaun Klean Konaba Koligasaun

Sekretariu Jeral Fretilin, Dr.Mari Alkatiri hasoru malu ho Prezidente Taur Matan Ruak, hodi  deskuti klean kona ba koligasaun, insidensia parlamentar no governu inkluzaun.

Hafoin remata enkontru, lideransa nasional rua ne’e iha otel Novo Turismo loron 16/08, ba jornalista sira  Dr.Mari Alkatiri hateten objetivu hosi enkontru ida ne’e, hodi harii plataforma ida ne’ebe forte, tanba rezultadu hosi diskusaun ida ne’e sai hanesan ideas ba aban bainrua nian, grupu tekniku ba koligasaun.

“Prezidente Timor mai ho ideas, ka bele hare formatu foun koligasaun, insidensia parlamentar no inkluzaun. Nune’e ami koalia naruk oituan no hatete katak diak liu hosi ne’e ba oin atu koalia deit koligasaun”, afirma Dr.Mari Alkatiri.

Iha parte sorin Prezidente Taur Matan Ruak mos klarifika ba jornalista sira katak, enkontru ida ne’e kontinua halo ne’e deskuti klean deit kona ba koligasaun.

Povu hein mak determina votus ba partidu 5 ne’ebe mak hetan asentu iha parlamentar, la kleur tan povu Timor-Leste sei simu governu foun, hodi lidera nasaun ida ne’e ba tinan lima oin mai.

Espera povu sira nian mehi sai realidade. Povu hotu hein koligasaun entre partidu Fretilin, PLP no Khunto sei fo rezultadu ne’ebe votantes hotu hakarak.* [Ekipa TAFARA.TL | TAFARA.TL | 16.08.2017].

 

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.