Wednesday , June 19 2019
Home / Sosial & Politika / Marí: Atu Sai hosi Krizi Mak Elisaun Antisipada, Maibe Hein Desizaun PR
Primeiru Ministru, Dr. Marí Alkatiri halo entrevista ho jornalista sira iha palacio prezidensia [Foto: Zevonia Vieira | 14.12.2017]

Marí: Atu Sai hosi Krizi Mak Elisaun Antisipada, Maibe Hein Desizaun PR

“Sei hein to Prezidente da Republika desidi, se Prezidente da Republika dehan laiha elisaun antisipada, entaun la iha elisaun antisipada, mais dalan mesak ida deit atu sai hosi krizi mak elisaun antisipada”. Marí Alkatiri

 Bainhira Primeiru Ministru remata enkontru ho Prezidente da Republika, loron 14/12 iha palasio prezidensia, hodi informa atividade semanal governu nian, hatan ba jornalista STL liga ho asumtu Fretilin halo ona kontaktu eleitoral, tanba tuir opiniaun publiku ida ne’e illegal?

Marí Alkatiri responde katak kontaktu halo duni, Fretilin halo duni ho nia militantes sira, ne’e laos kontaktu eleitoral, kontaktu eleitoral deputadu sira mak halo.

“Agora dadaun hau sei tun ba muncipio hotu-hotu, hanesan sekretariu Jeral Fretilin iha fim de semana hau sei tun no ba koalia ho partidu. Fretilin ho PD sei tun hodi ba koalia ho nia militante sira, laiha ema ida bele bandu ami”, esplika Marí.

Sekretariu Jeral Fretilin ne’e hatutan katak, objetivu hosi ida ne’e, para atu prepara ba elisaun antisipada. Sei hein to Prezidente da Republika desidi, se Prezidente da Republika dehan laiha elisaun antisipada, entaun la iha elisaun antisipada, mais dalan mesak ida deit atu sai hosi krizi mak elisaun antisipada.

Baihira media STL husu agora iha impase politika nia laran? Marí Alkatiri hateten Se iha impase tanba iha ema ida hakarak hadau poder, sedauk hare programa dehan vota kontra ona, sedauk hare orsamentu retifikativu vota kontra ona.

“Bele iha direitu vota kontra ka afavor mais premeiru o hare lai programa no orsamentu depois mak dehan hau la konkorda ho orsamentu ida ne’e, mais laos dehan ami nia lideransa mak manda vota kontra, ida ne’e mak demokrasi? Konstituisaun dehan eleitu ona reprezenta povu, bainhira sira eleitu ona tur iha kadera parlamentu, ne’e reprezenta povu. Agora povu mak sai fali vitima ne’e hanusa, lideransa fo sai ordem, povu sai vitima. Ami kuandu hahu luta ne’e para atu serbi povu, laos halo povu atu sai vitima”, esplika Marí.

Iha parte sorin, bainhira TAFARA.TL halo entrevista ho deputada PLP, Lita Sarmento, bainhira partisipa iha kongresu Comite 12 Novembru, iha loron 7 Novembru, iha CCD, ba TAFARA.TL liga ho programa governu ne’ebe bankada opozisaun vota kontra. Lita Sarmentu esplik katak aktu sira ne’ebe partidu opozisaun sira halo mos nudar aktu Konstituisional, ne’ebe Konstituisaun fo dalan ba partidu sira ne’e, atu halao sira nia kna’ar nudar opozisaun, laos hanesan opozisaun edukatiu no konstruktivu hanesan ohin Prezidente realsa, maibe opozisaun ne’ebe hakarak hotu garante Konstituisionalidade hosi prosesu politika ne’ebe lao.

“Laos tanba problema governu maioria ka governu minoria ka numeru opozisaun mak forte liu, maibe problema oinsa mak ita hatur interese nasional, interese povu nian, atu governu ida ne’ebe bele veabiliza programa sira ne’ebe bele fo benefisiu ba povu. Agora Konstituisaun mos hateten katak partidu mais votadu ou alianca Maioria dos partidus iha parlamentu, ne’e signifika katak atu garante estabilidade governativa ida durante tinan lima, numeru mos importante katak asentu maioria absoluta ne’e mos importante tanba ne’e Konstituisaun mak fo”, hateten Lita iha loron, 7/11 CCD.*[Zevonia Vieira | TAFARA.TL | 14.12.2017]

About Zevonia Vieira

Zevonia Vieira, Chefe Redasaun TAFARA.TL, hamutuk ho Metodio Caetano Moniz & Fernando Antonio da Costa hari media online TAFARA.TL, iha Oe-cusse, Ambeno, dia 23 de Agosto de 2015.

Check Also

Kondisaun Eskola Publiku Guelocaer Komesa At, Vice MEJD: Planu Hadia Eskola Sei Tau Iha OJE 2020

“Ami tenke kuru udan been ne’ebe tama ba sala laran depois mak ami kontinua hanorin …

Leave a Reply

Your email address will not be published. Required fields are marked *