Wednesday , October 24 2018
Home / Eleisaun Parlamentar / Marí: Fretilin nia Kampanna Laos Tanba Provokasaun, Kampanna Programa Ba Povu
Sekretariu Jeral partidu Fretilin, Dr. Marí Alkatiri esplika hela konaba sistema edukasaun ba juventude. [Foto: Zevonia Vieira | 02.05.2018]

Marí: Fretilin nia Kampanna Laos Tanba Provokasaun, Kampanna Programa Ba Povu

“Fretilin sempre rekonnese, simu eransa nee no laos simu parte ida pozitiva, maibe simu mos parte negative no husu deskulpa ba saida mak membru FRETILIN sira halo durante ne’e”. Marí Alkatiri

Liu hosi konferensia imprensa, Sekretariu Jeral partidu Fretilin, Dr. Marí Alkatiri hateten ba jornalista sira katak husi 1974, 1975 to ohin loron, Fretilin hanesan organizasaun libertasaun nasional patria povu, lao iha dalan ida ne’ebe naruk tebes, ho mudansa oioin iha prosesu naruk, maibe Fretilin nia postura hanesan deit, postura sempre buka solusaun ba problemas ne’ebe bele moris. Dala barak iha prosesu naruk ne`e iha mos buat balu ne’ebe ladun los, “Fretilin dala barak se tetu saida mak ladun la los no saida mak los, ita tetu susesu luta ne`e signifika los, saida mak halo diak, halo los maka todan liu, duke saida mak la los”.

Konferensia imprensa ne’ebe halo iha sede CCF, 07/05 Marí Alkatiri akresenta katak Fretilin sempre rekonnese, simu eransa nee no laos simu parte ida pozitiva, maibe simu mos parte negative no husu deskulpa ba saida mak membru FRETILIN sira halo durante ne’e

“Fretilin iha tempu depois de 1999, dala barak ona rekonnese no husu deskulpa ba saida mak elementus Fretilin halo, dalaruma la los. Agora dala ida tan hateten katak pozisaun Fretilin nian klaru tebes, hori uluk respeita konfisoes religiosas, respeita religiaun katolika, biar iha elementu ida ka rua lao sala dalan, maibe iha mos akuzasoens falsas mak barak durante prosesu ne`e tomak, agora hametin tan respeitu ida ne`e, atu servisu hamutuk ho konfensoen religiozas hotu, liu-liu ho igreja katolika hanesan igreza ida ne’ebe boot liu iha Timor-Leste ne`e mak pozisaun Fretilin nian”, deklara Marí

Ba jornalista sira Marí mos deklara katk iha tempu kampanna ba eleisaun, Fretilin la menta deit katak partidu balun la tun ho programa, maibe tun ho kampanna negative, provokasaun, kampanna ne’ebe laos atu buka solusaun ba problema, hatauk ema, atu sosa votus, “Fretilin nia kampanna laos tanba provokasaun, Fretelin nia kampanna pozitiva, Fretilin nia kampanna atu lori programa ba povu”.

Iha tempu hanesan hatan ba perguntas hosi jornalista sira liga ho ró marka NRT Kay Rala Xanana ne’ebe derepente apaga ho tinta metan iha tempu kampanna nia laran. Marí hatan katak ró ne’e sei tau heroi sira ne’ebe mak mate ona nia naran.

“Hau buka hatene konselho de ministru uluk deside buat ruma ba naran ne’e, maibe Primeiru Ministru Uluk Rui Araujo rasik mos la hatene konaba ró ne’e. Akordu ne’e Longuinhos mak ba halo, no Longinhos mak tau naran, ne’e laos kompetensia ministru ida nian para tau ida ne’e, tamba ne’e mak hau dehan, se konsellu ministru la deside, entaun ita hein lai to konsellu ministru halibur para deside fo naran saida. Tamba saida mak ró ne’e mai los tempu kampanna, mai ho Xanana nia naran, ne’e signifika saida, hau fiar Xanana mos hatene, ne’e laos Xanana mak halo reajem maibe nia elementus sira mak halo reajem”, hateten Marí.*Henrique S.de Jesus | Editor: Zevonia Vieira | TAFARA.TL | 07.05.2018]

About Henrique Soares de Jesus

Check Also

PR Sei Estuda Lista Membrus Governu, Lú Olo: Hakarak Garante Bem Estar Do Estado

“Prezidente da Republika sei estuda hela, se to loron ida kazu hosi A ka B …

Leave a Reply

Your email address will not be published. Required fields are marked *