Sunday , June 24 2018
Home / Sosial & Politika / Marí Husu PNTL Investiga Didiak, Kazu Baku Labarik Minoridade Hosi Oecusse.
Sekretariu Jeral Fretilin, Dr. Marí Alkatiri halo konferensia imprensa ho jornalista sira iha CCF. [Foto: Zevonia Vieira | 25.05.2018 ]

Marí Husu PNTL Investiga Didiak, Kazu Baku Labarik Minoridade Hosi Oecusse.

“Ami la akuza ema ida mais laos Fretilin. Polisia tenke investiga didiak, Ministeriu Publiku tenke atua. Ema Oecusse livre atu moris iha rai, iha Timor-Leste tomak. Hanesan ema Timor-Leste oan, hakarak moris iha Oecusse mos diak, bele moris iha Bagia mos diak, laiha ema ida bele bandu”. Marí Alkatiri

Kazu krimi ne’ebe akontese katak deskonfia ema baku labarik ho idade minoridade hosi rai enclave Oecusse ne’ebe buka moris iha Dili. Ho kazu ne’ebe akontese, liu hosi konferensia imprensa, Sekretariu Jeral Fretilin, Dr. Marí Alkatiri hatoo ba jornalista sira katak aktus de subersaun de vandalism [krimi. Red] konaba baku labarik hosi rai Oecusse, Fretilin haruka ona polisia atu investiga didiak.

“Ami la akuza ema ida mais laos Fretilin. Polisia tenke investiga didiak, Ministeriu Publiku tenke atua. Ema Oecusse livre atu moris iha rai, iha Timor-Leste tomak. Hanesan ema Timor-Leste oan, hakarak moris iha Oecusse mos diak, bele moris iha Bagia mos diak, laiha ema ida bele bandu. Tanba ne’e Fretilin konstitente ho ida ne’e. Sidadaun hotu livre atu lao ba moris iha rai Timor-Leste tomak. Sira mai buka servisu iha Dili, ne’e sira nia direitu, laiha ema ida atu halo fali terror ba sira, tanba ne’e polisia tenke investiga, tenke kaer ema sira ne’e no tenke hatete lolos sira se. ne’e halo parte hosi terror eleisaun nian mak mai”, hateten Marí, iha CCF 25/05.

Iha tempu la hanesan estudante Oecusse mos ezizi ba PNTL ho FFDTL atu toma atensaun ba grupu konnesidu ne’ebe baku labarik minoridade. Portavos Estudante Oecusse, liu hosi konferensia impresan iha Jardim 5 de Maio, hateten relasiona ho informasaun ne’ebe mak publika iha GMNtv ho RTTL, konaba ema deskonnesidu halo agresaun fiziku hasoru labarik minoridade nain haat iha sao Miguel nia oin, “ami husi estudante ho grupu voluntariu husu mos ba Komisariu Nasional Direitu Labarik no sosiedade sivil ne’ebe mak kolia konaba direitu labarik, atu halo intervensaun ba kazu ema deskonnesidu baku labarik minoridade nain haat iha mos artigu 18 kolia konaba direitu labarik nian.

“Husu ba parte PNTL buka tuir ema sira ne’e para bele investiga, tamba dadauk ne’e ameasa kolega barak husi parte komunidade Oecusse nian, ate ohin loron sira seidauk mai iha sidade Dili, no halo mos ba ita nia alin sira buka moris iha Dili, sira nia aktividade paradu tamba hetan ameasa husi parte grupu deskonnesidu sira”, hatete Joanico.

Iha fatin hanesan Prezidente Forsa Humanista ba Timor-Leste, Jose Raul Oliveira Da Silva mos hato katak, kazu ne’ebe akontese, jovem balu mak baku alin sira, ameasa sira, hanesan sidadaun ba forsa humanista ba forsa Timor-Leste, la satisfas ho asaun ne’ebe mak ema balun halo.

Jose Raul espera karak PNTL sira toma medida lalais no sosiadade sivil sira tenke koalia no halo intervensaun ba kazu refere, “so uniku labarik sira, ita bele garante future nasaun nian, se ita la asegura labarik, mak ita la asegura futuru lideransa Timor nian”. * [ Zevonia Vieira & Virginia Pereira | TAFARA.TL | 25.05.2018 ]

About Zevonia Vieira

Zevonia Vieira, Chefe Redasaun TAFARA.TL, hamutuk ho Metodio Caetano Moniz & Fernando Antonio da Costa hari media online TAFARA.TL, iha Oe-cusse, Ambeno, dia 23 de Agosto de 2015.

Check Also

Sistema Online Iha Klinika Becora, Fasilita Inan Isin Rua Sira

Saude nudar seitor importante iha ema ida nian moris, ho saúde ne’ebe diak sei salva …

Leave a Reply

Your email address will not be published. Required fields are marked *